Явру-асия иқтисади бирликиниң истиқбали һәққидә қәһриман ғуҗамбәрди билән сөһбәт (1)

Ихтиярий мухбиримиз азад қасим
2014.12.24
nursultan-nazarbayef-almasbek-atambayef-305.jpg Қазақистан президенти нурсултан назарбайәф қирғизистан президенти алмасбәк атамбайәф билән көрүшти. 2012-Йили 22-авғуст, қирғизистан.
AFP

23-Декабир күни москвада қирғизистан һәм әрменийә дөләтлирини русийә башчилиқидики таможна-баҗ иттипақиниң әзалиқиға қобул қилиш келишимигә қол қоюш һәмдә бу иттипаққа явру-асия иқтисади бирлики дәп нам бериш мурасими болди. Бу иқтисади гәвдиниң низамнамисигә асасән, әза дөләтләрниң парламентлири келишимни тәстиқлиғандин кейин, қирғизистан һәм әрменийә җумһурийәтлири явру-асия иқтисади бирликиниң рәсмий әзаси булалайду.

Таможна-баҗ иттипақи қазақистан президенти нурсултан назарбайифниң тәшәббуси һәмдә русийә, биларусийә қатарлиқ дөләтләрниң қошулуши билән 2011-йили қурулған болуп, шуниңдин етибарән бу үч дөләт оттурисидики таможна-баҗ бекәтлири әмәлдин қалдурулуп дөләтләр ара әркин сода җанланған шундақла бирликкә кәлгән баһа сиясити йолға қоюлған иди.

Һалбуки, русийә билән украина оттурисидики җидәлләр сәвәбидин ғәрб әллири русийәгә қарита иқтисади җаза йүргүзүватқан, нефит баһасиниң әрзанлишишиға әгишип русийә рублисиниң курси чүшүп, русийә еғир иқтисади кирзисқа петип қалған нөвәттики шараитта қурулған бу иқтисади гәвдиниң кәлгүси истиқбалиға қарита көзәткүчиләр охшимиған көз қарашларда болмақта.

Явру-асия иқтисади бирликиниң тәрәққият истиқбали қандақ болиду? русийәни мәркәз қилған бу иқтисади гәвдә хитайниң оттура асиядики иқтисади кеңәймичиликини тосуяламду? бу иқтисади гәвдиниң қурулуши оттура асия әллиридә яшаватқан уйғурларниң турмушиға қандақ тәсир бериши мумкин дегәнгә охшаш соалларға җаваб тепиш мәқситидә, биз оттура асиядики тонулған сиясий анализчи қәһриман ғуҗамбәрди билән телефон сөһбити илип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.