Dublinda “Irélandiye Uyghur medeniyet jem'iyiti” quruldi

Myunxéndin ixtiyariy muxbirimiz ekrem teyyarlidi
2024.01.30
irelandiye-duq-shobe-3.jpg
RFA/Ekrem

26-Yanwar küni irélandiye paytexti dublinda irélandiyediki tunji Uyghur teshkilati- “Irélandiye Uyghur medeniyet jem'iyiti” qurulghan.

Jem'iyetning qurulush murasimigha irélandiyediki Uyghurlardin bashqa, d u q re'isi dolqun eysa bashchiliqidiki qurultayning bir guruppa wekiller ömiki, merkizi washin'gtondiki Uyghur tetqiqat merkizining diréktori abdulhakim idris, Uyghur herikiti teshkilatining rehbiri roshen abbas we en'giliyedin kelgen bir qisim Uyghur aktiplarmu qatnashqan.

“Irélandiye Uyghur medeniyet jem'iyiti” ning qurulush murasimida d u q re'isi dolqun eysa ependi tebrik sözi qilmaqta. 2024-Yili 26-yanwar, dublin, irélandiye.
“Irélandiye Uyghur medeniyet jem'iyiti” ning qurulush murasimida d u q re'isi dolqun eysa ependi tebrik sözi qilmaqta. 2024-Yili 26-yanwar, dublin, irélandiye.
RFA/Ekrem

Irélandiye Uyghur medeniyet jem'iyitining qurulush murasimida nutuq sözligen d u q re'isi dolqun eysa ependi, mezkur jem'iyetning qurulushini qizghin tebrikleydighanliqini, bu jem'iyetning Uyghur irqiy qirghinchiliqini irélandiye xelqige tonutushta türtkilik rol oynishigha tilekdashliq bildüridighanliqini ipade qilghan. U dublindin ziyaritimizni qobul qilghanda, aldi bilen irélandiye hökümitining 2018-yilidin buyan Uyghurlar mesilisini b d t da otturigha qoyushta aktip rol oynap kelgenlikini tilgha aldi. Uning bildürüshiche, irélandiye Uyghur medeniyet jem'iyitining qurulushi, uzun mezgillik bir teyyarliqtin kéyin wujudqa chiqqan.

“Irélandiye Uyghur medeniyet jem'iyiti” ning qurulush murasimida xatire süret. 2024-Yili 26-yanwar, dublin, irélandiye.
“Irélandiye Uyghur medeniyet jem'iyiti” ning qurulush murasimida xatire süret. 2024-Yili 26-yanwar, dublin, irélandiye.
RFA/Ekrem

Jem'iyetning qurulush murasimida Uyghur tetqiqat merkizining diréktori abdulhakim idris ependimu nutuq sözligen bolup, u bu xususta ziyaritimizni qobul qilghanda, irélandiye Uyghur medeniyet jem'iyitining qurulush murasimigha köpligen déplomatlar we kishilik hoquq aktiplirining ishtirak qilghanliqini eskertip, mezkur teshkilatning muhajirettiki Uyghur milliy herikiti üchün hessiler qétishigha tilekdashliq bildüridighanliqini tilgha aldi.

Dublinda yashaydighan Uyghur ziyaliysi nuriye zeydin xanim irélandiye Uyghur medeniyet jem'iyitining tunji nöwetlik re'isi bolup saylan'ghan. U bügün bu heqte ziyaritimizni qobul qilghanda, mezkur teshkilatning muweppeqiyetlik qurulushigha bolghan memnuniyetlirini we bundin kéyinki pa'aliyet pilanlirini qisqiche izhar qilip ötti.

“Irélandiye Uyghur medeniyet jem'iyiti” ning tunji nöwetlik re'isi bolup saylan'ghan Uyghur ziyaliysi nuriye zeydin xanim. 2024-Yili 26-yanwar, dublin, irélandiye.
“Irélandiye Uyghur medeniyet jem'iyiti” ning tunji nöwetlik re'isi bolup saylan'ghan Uyghur ziyaliysi nuriye zeydin xanim. 2024-Yili 26-yanwar, dublin, irélandiye.
RFA/Ekrem

Irélandiye Uyghur medeniyet jem'iyitining qurulushi heqqide toxtalghan Uyghur herikiti teshkilatining re'isi roshen abbas xanim, irélandiye Uyghur medeniyet jem'iyitining qurulushi Uyghur irqiy qirghinchiliqini irélandiyede tonutushtiki bir boshluqni toldurdi” dégenlerni tilgha aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.