Әнқәрәдә “уйғур ирқий қирғинчилиқи вә уйғур мәдәнийити” темисида көргәзмә ечилди

Ихтиярий мухбиримиз әркин тарим
2022-05-17
Share
Әнқәрәдә “уйғур ирқий қирғинчилиқи вә уйғур мәдәнийити” темисида көргәзмә ечилди Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмисидә парламент әзаси фаһрәттин йоқуш(оңдин 6-киши) әпәнди билән хатирә сүрәт. 2022-Йили 15-май, түркийә.
RFA/Erkin Tarim

Түркийә пайтәхти әнқәрәдики һәр қайси универистетларда оқуватқан уйғур оқуғучилардин тәшкилләнгән бир гуруппиниң уюштуруши билән әнқәрәдики шәрқий түркистан күлтүр мәркизидә “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмиси ечилди.

Бу көргәзмә 15-май йәкшәнбә күни чүштә ечилиш мурасими билән рәсмий башланди. Ечилиш мурасимиға парламент әзаси фаһрәттин йоқуш әпәнди, американиң әнқәрәдә турушлуқ әлчиханисидики дипломатлар, һәр қайси сиясий партийәләрниң вәкиллири, әнқәрәдики һәр қайси университетләрниң оқутқучи-оқуғучилири, аммивий тәшкилатларниң мәсуллири вә әнқәрәдики уйғурлардин болуп көп санда киши иштирак қилди.

Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмисидә парламент әзаси фаһрәттин йоқуш әпәнди татлиқ-турумлардин алмақта. 2022-Йили 15-май, түркийә.
Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмисидә парламент әзаси фаһрәттин йоқуш әпәнди татлиқ-турумлардин алмақта. 2022-Йили 15-май, түркийә.
RFA/Erkin Tarim

Шәрқий түркистан күлтүр мәркизиниң һойлисиға шәрқий түркистанниң тарихи, тарихта уйғур диярида йүз бәргән қанлиқ вәқәләр әкс әттүрүлгән рәсимләр, мәлуматлар вә уйғурларниң һазирқи еғир вәзийитини ипадиләйдиған сүрәтләр, болупму хитайниң җаза лагерлириға қамалған тутқунларниң сүрәтлири һәмдә бу һәқтики мәлуматлар есилған. Көргәзмә тахтайлириға йәнә хитайниң җаза лагерлириға қамалған вә яки йоқап кәткән кишиләрниң сизма рәсимлири һәм исимлири йезилип есилған. Бу көргәзмигә йәнә уйғурларниң чалғу-әсваплири, йемәк-ичмәк, кейим-кечәк вә уйғур қол һүнәр сәнитигә даир боюмларму қоюлған.

Әнқәрәдики уйғур оқуғучилар өткүзгән көргәзмә паалийити түркийә дөләт марши вә шәрқий түркистан истиқлалийәт марши билән башланди. Уйғурлар тоғрисида қисқичә мәлумат берилгәндин кейин, тонулған шаир абдуреһим өткүрниң “из” намлиқ шеири вә башқа шаирларниң шеирлири декламатсийә қилинди.

Көргәзмә җәрянида парламент әзаси фаһрәттин йоқуш әпәнди зияритимизни қобул қилип, мундақ деди: “уйғур мәдәнийитини қоғдап қелиш үчүн бу хил көргәзмиләрни давамлиқ ечиш керәк. Әгәр бу мәдәнийәтлиримизни унутсақ, миллий кимликимизниму унтуп қалимиз. Хитайниң уйғурларниң тили, диний етиқади, әнәнивий өй-җайлири, вә өрп-адәтлирини чәклишидики сәвәб уйғурларни пүтүнләй йоқ қилиштин ибарәт. Шуңа бу хил көргәзмиләр арқилиқ уйғур ирқий қирғинчилиқини аңлитиш вә уйғур мәдәнийитини тонуштуруш наһайити муһим. Биз дуня мәдәнийитигә зор төһпиләрни қошқан бир милләт йоқ болуш хәвпи астида туруватиду, дуня уларға игә чиқиши лазим, дәп чақириқ қилишимиз керәк.”

Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмисигә қоюлған сүрәтләр. 2022-Йили 15-май, түркийә.
Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчилиқи” вә уйғур мәдәнийити тәсвирләнгән мәхсус рәсим көргәзмисигә қоюлған сүрәтләр. 2022-Йили 15-май, түркийә.
RFA/Erkin Tarim

Әнқәрә университетиниң оқуғучиси маһирә фаруқ көргәзмини көргәндин кейин, өз юртиға барғандәк һес қилғанлиқини баян қилди.

Әнқәрә университети дохтурханисида систера болуп ишләватқан, 5 яш вақтида түркийәгә кәлгән мукәррәм ханим, түркийәдики һәммә уйғурниң вәтән һәққидә баш тартип болмайдиған мәсулийитиниң барлиқини, шуңа һәмәйләнниң қолидин келишичә бу паалийәтни яхши қилишқа тиришқанлиқини баян қилди.

Әнқәрәдики шәрқий түркистан күлтүр мәркизидә өткүзүлгән “уйғур ирқий қирғинчиқи вә уйғур мәдәнийити” намлиқ көргәзмигә әнқәрәдә оқуватқан әрәб, әзәрбәйҗан вә башқа милләтләрдин болған оқуғуғучиларму қатнашқан. Улар бу көргәзмини көргәндин кейин қаттиқ тәсирләнгән. Әнқәрәдики сақлиқни сақлаш университети систералиқ кәспиниң бир оқуғучисиму өзиниң бу көргәзмини көргәндин кейинки туйғулирини биз билән ортақлашти.

Әнқәрәдики шәрқий түркистан күлтүр мәркизи уйғур әнәнивий миллий бинакарлиқ услубида селинған болуп, бу җайни зиярәт қилған уйғурлар худди өз юртидики бир уйғур қериндишиниң өйини көриватқандәк иллиқ туйғуға чөмүлидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт