Қәһриман ғоҗамбәрди: сот қарари дуняға тәсир қилсиму, лекин қазақистанниң хитай вә уйғур мәсилисидики мәйдани өзгәрмәйду

Ихтиярий мухбиримиз ойған
2021-12-14
Share
qehrima-ghojamberdi.jpg Миллий армийә қурулғанлиқиниң 74 йиллиқи вә барин қанлиқ паҗиәсиниң 29 йиллиқиға беғишланған йиғинда сиясәтшунас қәһриман ғоҗамбәрди әпәнди сөз қилмақта. 2019-Йили 5-апрел, алмута.
RFA/Oyghan

Хитай коммунистик һакимийитиниң уйғурлар үстидин йүргүзүватқан бастуруш қилмишлирини америка башлиқ канада, белгийә, голландийә, литва қатарлиқ мәмликәтләрниң “ирқий қирғинчилиқ” вә “инсанийәткә қарши җинайәт” дәп етирап қилиши муһаҗирәттә яшаватқан уйғурларни қаттиқ хурсән қилғанлиқи мәлум.

Буниңдин ташқири лондондики “уйғур сот коллегийәси” ниң испат аңлаш йиғинлири өткүзүп, ахирида хитайниң уйғурларға қаратқан қилмишлирини “ирқий қирғинчилиқ” вә “инсанийәткә қарши җинайәт” дәп һөкүм чиқириши көплигән мутәхәссисләр, һоқуқ қоғдиғучилири вә сиясәтшунасларниң диққитини қозғимақта. Шу җүмлидин бу қарар қазақистанда яшаватқан уйғур қануншунаслири, паалийәтчилири вә уйғур пуқралириниң диққәт мәркизидә болуп, уларниң алқишлишиға еришти. Шуларниң бири, дуня уйғур қурултийиниң қазақистандики алий мәслиһәтчиси, сиясәтшунас қәһриман ғоҗамбәрди әпәнди болуп, у бу һәқтә өз қарашлирини оттуриға қойди.

Тәпсилатни қазақистандики мухбиримиз уйғандин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт