Истанбулда “шәрқий түркистан миллий күришиниң йеңи йүзлиниши вә қилишқа тегишлик хизмәтләр” темисида йиғин өткүзүлди

Ихтиярий мухбиримиз арслан
2021-12-08
Share
Истанбулда “шәрқий түркистан миллий күришиниң йеңи йүзлиниши вә қилишқа тегишлик хизмәтләр” темисида йиғин өткүзүлди “шәрқий түркистан миллий күришиниң йеңи йүзлиниши вә қилишқа тегишлик хизмәтләр” темисида өткүзүлгән йиғиндин көрүнүш. 2021-Йили 5-декабир, истанбул, түркийә.
RFA/Arslan

5-Декабир йәкшәнбә күни уйғур академийәсиниң уюштуруши вә уйғур илим вә тәтқиқат вәхпиниң саһибханилиқ қилиши билән истанбулда шәрқий түркистан миллий күришиниң йеңи йүзлиниши вә қилишқа тегишлик хизмәтләр дегән темида юмилақ үстәл йиғини өткүзүлди.

Йепиқ шәкилдә өткүзүлгән бу йиғинға шәрқий түркистан тәшкилатларниң мәсуллири яки вәкиллири, уйғурлар мәсилиси үстидә тәтқиқат елип бериватқан уйғур тәтқиқатчи зиялийлар вә өлималар қатнашти.

Бу йиғинда уйғурлар мәсилисидә қилишқа тегишлик қандақ хизмәт пиланлар оттуриға қоюлди? биз бу соални чөридигән асаста уйғур академийәсиниң рәси докур пәрһат қурбан тәңритағли, муавин рәиси абдулһәмит қарахан вә дуня уйғур қурултийи вәхписи рәиси абдулһәмит абдурешит билән сөһбәт елип бардуқ.

Докур пәрһат қурбан тәңритағли бу йиғинда, тәшкилатлар оттурисидики өз-ара чүшинишни чоңқурлаштуруш, бәзи көз-қараштики охшашмаслиқларни иккинчи орунға қоюп ортақ нуқтиларда бирлишишниң тәкитләнгәнликини билдүрди.

Абдулһәмит қарахан бу йиғинда музакириләр тоғрисида тохтилип, шәрқий түркистан миллий күришиниң қәдәм басқучлириниң техиму конкертлаштурулуши, тәшкилатларниң бу һәқтә пиланлиқ шәкилдә һәрикәт қилишниң тәкитләнгәнликини билдүрди.

Бу йиғинға қатнашқан дуня уйғур қурултийи вәхписиниң рәиси абдурешит абдулһәмт әпәндиму бу йиғин тоғрисидики көз қарашлирини ипадиләп, йиғинда тәшкилатлар оттурисидики һәмкарлиқни күчәйтиш җәһәттә музакирә елип берилғанлиқини вә бу җәһәттә тәшкилатларниң ортақ пикиргә кәлгәнликини билдүрди.

Бу йиғинда йәнә мутәхәссисләр тәрипидин дуня вәзийити, шәрқий түркистанниң һазирқи вәзийити шундақла тәшкилатларниң елип бериватқан паалийәтлири вә буниңдин кейин елип бармақчи болған хизмәт-паалийәтләр тоғрисида бәс-муназирә вә музакирә елип берилған.

Абдулһәмит қараханниң билдүрүшичә, йиғинда йәнә тәшкилатлар арисидики чүшинишмәслик вә ихтилапларниң алдини елиш үчүн қәрәллик бир шәкилдә йиғилип ортақ мәсилиләр үстидә бирликтә музакирә елип беришниң муһим икәнлики муәййәнләштүрүлгән.

Йиғин әтигәндин кәчкичә пүтүн күн давам қилған болуп, бу хил йиғинларниң давамлиқ ечилиши тәшкилат мәсуллири вә тәтқиқатчилар оттурисида өз-ара чүшинишни чоңқурлаштуруш вә һәмкарлиқни күчәйтиштә муһим рол ойнайдиғанлиқи тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт