Istanbulda “Sherqiy türkistan milliy kürishining yéngi yüzlinishi we qilishqa tégishlik xizmetler” témisida yighin ötküzüldi

Ixtiyariy muxbirimiz arslan
2021-12-08
Share
Istanbulda “Sherqiy türkistan milliy kürishining yéngi yüzlinishi we qilishqa tégishlik xizmetler” témisida yighin ötküzüldi “Sherqiy türkistan milliy kürishining yéngi yüzlinishi we qilishqa tégishlik xizmetler” témisida ötküzülgen yighindin körünüsh. 2021-Yili 5-dékabir, istanbul, türkiye.
RFA/Arslan

5-Dékabir yekshenbe küni Uyghur akadémiyesining uyushturushi we Uyghur ilim we tetqiqat wexpining sahibxaniliq qilishi bilen istanbulda sherqiy türkistan milliy kürishining yéngi yüzlinishi we qilishqa tégishlik xizmetler dégen témida yumilaq üstel yighini ötküzüldi.

Yépiq shekilde ötküzülgen bu yighin'gha sherqiy türkistan teshkilatlarning mes'ulliri yaki wekilliri, Uyghurlar mesilisi üstide tetqiqat élip bériwatqan Uyghur tetqiqatchi ziyaliylar we ölimalar qatnashti.

Bu yighinda Uyghurlar mesiliside qilishqa tégishlik qandaq xizmet pilanlar otturigha qoyuldi? biz bu so'alni chöridigen asasta Uyghur akadémiyesining re'si dokur perhat qurban tengritaghli, mu'awin re'isi abdulhemit qaraxan we dunya Uyghur qurultiyi wexpisi re'isi abdulhemit abduréshit bilen söhbet élip barduq.

Dokur perhat qurban tengritaghli bu yighinda, teshkilatlar otturisidiki öz-ara chüshinishni chongqurlashturush, bezi köz-qarashtiki oxshashmasliqlarni ikkinchi orun'gha qoyup ortaq nuqtilarda birlishishning tekitlen'genlikini bildürdi.

Abdulhemit qaraxan bu yighinda muzakiriler toghrisida toxtilip, sherqiy türkistan milliy kürishining qedem basquchlirining téximu konkértlashturulushi, teshkilatlarning bu heqte pilanliq shekilde heriket qilishning tekitlen'genlikini bildürdi.

Bu yighin'gha qatnashqan dunya Uyghur qurultiyi wexpisining re'isi abduréshit abdulhemt ependimu bu yighin toghrisidiki köz qarashlirini ipadilep, yighinda teshkilatlar otturisidiki hemkarliqni kücheytish jehette muzakire élip bérilghanliqini we bu jehette teshkilatlarning ortaq pikirge kelgenlikini bildürdi.

Bu yighinda yene mutexessisler teripidin dunya weziyiti, sherqiy türkistanning hazirqi weziyiti shundaqla teshkilatlarning élip bériwatqan pa'aliyetliri we buningdin kéyin élip barmaqchi bolghan xizmet-pa'aliyetler toghrisida bes-munazire we muzakire élip bérilghan.

Abdulhemit qaraxanning bildürüshiche, yighinda yene teshkilatlar arisidiki chüshinishmeslik we ixtilaplarning aldini élish üchün qerellik bir shekilde yighilip ortaq mesililer üstide birlikte muzakire élip bérishning muhim ikenliki mu'eyyenleshtürülgen.

Yighin etigendin kechkiche pütün kün dawam qilghan bolup, bu xil yighinlarning dawamliq échilishi teshkilat mes'ulliri we tetqiqatchilar otturisida öz-ara chüshinishni chongqurlashturush we hemkarliqni kücheytishte muhim rol oynaydighanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet