Italiye parlaméntida Uyghurlar we xongkong heqqide guwahliq bérish, axbarat élan qilish yighini ötküzüldi

Ixtiyariy muxbirimiz ekrem
2020-07-02
Élxet
Pikir
Share
Print
Italiye parlaméntida ötküzülgen Uyghurlar we xongkong heqqide guwahliq bérish, axbarat élan qilish yighinidin körünüsh. 2020-Yili 1-iyul.
Italiye parlaméntida ötküzülgen Uyghurlar we xongkong heqqide guwahliq bérish, axbarat élan qilish yighinidin körünüsh. 2020-Yili 1-iyul.
RFA/Ekrem

Uyghurlarning nöwettiki weziyiti italiye parlaméntida ötküzülgen guwahliq bérish yighinida otturigha qoyuldi.

1-Iyul italiye parlaméntida Uyghurlar we xongkong heqqide guwahliq bérish, axbarat élan qilish yighini ötküzülgen. Yighinni italiye parlaméntlar ittipaqining "Dunyani qanun bilen idare qilish komitéti" -marko panilla teshkilligen bolup, yighin italiye paytext rimdiki parlamént sariyida ötküzülgen.

Mezkur yighin gérmaniyelik tetqiqatchi adri'an zénz élan qilghan Uyghur diyarida yolgha qoyuluwatqan tughut cheklesh siyasitige da'ir höjjet dunya miqyasida küchlük tesir qozghighan bir chaghda chaqirilghan.

Yighinda italiyediki chong partiyelerdin "Dölet halqighan radikal partiye" ning b d t diki wekili we "Dunyani qanun bilen idare qilish komitéti" -marchko panillaning ezasi la'ura xart, kéngesh palata ezasi lusiya malan, démokratlar partiyesining italiye parlaméntidiki ezasi robérto rampi, d u q re'isi dolqun eysa, "Dunyani qanun bilen idare qilish komitéti" ning re'isi giyulo mariya, italiyediki herqaysi partiyelerge tewe bolghan parlamént ezaliridin waléri'a fédéli, pa'olo forméntini, aléksandro gigli'o wigna, adolfo urso, federiko mollikoné, élisabétta zamparutti qatarliq kishiler nutuq sözligen.

Mezkur yighinda Uyghurlarning omumiy weziyitidin melumat bérishke teklip qilin'ghan d u q re'isi dolqun eysa ependi yighin'gha sin körünüshi arqiliq qatnashqan. U yighinda qilghan sözide xitayning pilanliq tughut siyasiti we jaza lagérliri siyasitining tüp mahiyitining Uyghurlarni millet süpitide yoqitish ikenlikini bayan qilghan.

"Dölet halqighan radikal partiye" ning b d t diki wekili we "Dunyani qanun bilen idare qilish komitéti" -marko panillaning ezasi la'ura xart xanim bu heqte ziyaritimizni qobul qilghanda yighin'gha italiye parlaméntining muhim erbablirining ishtirak qilghanliqini eskertti. U mundaq dédi: "Köpligen dangliq parlamént ezaliri qatnashqan bu yighinda d u q re'isi dolqun eysa ependi Uyghur diyaridiki kishilik hoquq depsendichiliklirini, bolupmu Uyghur ayalliri uchrawatqan zorawanliqlarni bayan qilip kishilerni tesirlendürdi. Mustebit saqchi dölitidiki Uyghur ayalliri uchrawatqan zulumlar toghrisida doktor adri'an zénz élan qilghan höjjetlik doklatni körgen parlamént ezaliri bir Uyghur guwahchining éghzidin téximu échinishliq qismetlerni anglidi. Bizning bu yighinni italiye parlaméntida chaqirishimizdiki meqset xitaygha baghrini keng achqan italiye siyasetchilirige xitayning zadi kim bolghanliqini tonutush üchün idi. Meqsidimizge yettuq dep oylaymen."

Dolqun eysa ependi xitaydin tarilip dunyagha zor apet élip kelgen korona wirusining éghir zerbisige uchrighan italiyanlarning yéqindin buyan xitaygha qarita köz qarishida özgirish hasil qilghanliqini, bu qétim italiye parlaméntida ötküzülgen mezkur yighinning italiyening xitay siyasitide özgirish hasil bolushigha belgilik tesir körsitishi mümkinlikini tilgha aldi.

La'ura xart xanim sözining xatimiside bolupmu Uyghur xanim-qizliri üstidin yürgüzülüwatqan zorawanliqqa tayan'ghan tughut cheklesh siyasitining italiye xelqining küchlük nepritige uchraydighanliqini tekitlidi.

Pikirler (0)
Share
Toluq bet