"Iyi" partiyesi xitay elchixanisi bilen konsulxanisining ishikige qara gülchembirek qoydi

Ixtiyariy muxbirimiz erkin tarim
2021-04-08
Share
"Iyi" partiyesi enqerediki xitay elchixanisi aldida namayish ötküzüp, xitay elchixanisining ishikige qara gülchembirek qoydi. 2021-Yili 7-aprél, türkiye.
RFA/Erkin Tarim

Türkiye "Iyi" partiyesining re'isi meral aqshener xanim we enqere shehirining sheher bashliqi mensur yawash aldinqi küni xitayning enqerediki elchixanisining tehdit sélishigha uchrighan idi. Bu ish yüz bergendin kéyin türk xelqining xitaygha bolghan naraziliqi künsayin kücheymekte. Bolupmu "Iyi" partiyesi her xil yollar bilen xitayning meral aqshenerge we mensur yawashqa salghan tehditidin bi'aram bolghanliqini ipadilimekte. 7-Aprél küni "Iyi" partiyesi enqerediki xitay elchixanisi we istanbuldiki xitay konsulxanisi aldida namayish ötküzüp, xitay elchixanisining ishikige qara gülchembirek qoydi. Bulardin sirt "Iyi" partiyesi bursa sheher merkizidimu namayish ötküzüp xitayni eyiblidi.

7-Aprél küni etigen "Iyi" partiyesi enqere shöbisining re'isi yetkin öztürk ependi, bezi paramént ezaliri we partiye ezaliridin terkib tapqan nurghun kishi xitay elchixanisi aldida axbarat bayanatini oqup ötti. Kéyin ular xitay elchixanisining aldigha qara gulchembirek qoydi.

Türk we chet ellik bolupo köp sanda muxbirlar ishtirak qilghan pa'aliyette partiye rehberliridin yetkin öztürk ependi muxbirlargha bayanat bérip, mundaq dédi: "Hörmetlik axbarat xadimliri, sözümni bashlashtin burun shuni démekchimenki, pütün dunyaning közi aldida xitay teripidin irqiy qirghinchiliq bilen assimilatsiyege uchrawatqan sherqiy türkistanliq qérindashlirimizning yénida ikenlikimizni we ularning dert-elemlirige ortaqlishidighanliqimizni otturigha qoyumen. Shuning bilen birlikte her da'im zulumgha we zalimgha qarshi turudighanliqimizni, mezlumlarning awazi bolidighanliqimizni tekitlimekchimen. Xitay birleshken döletler teshkilati kishilik hoquq kélishimige hörmet qilmay, Uyghurlargha qarita irqiy qirghinchiliq élip barmaqta. Biz 'iyi' partiyesi bolush süpitimiz bilen xitayning bu siyasitini qattiq eyibleymiz."

Uzundin buyan izchil halda Uyghurlarni qollap kéliwatqan türkiye "Iyi" partiyesining re'isi meral aqshener xanim we enqere shehrining sheher bashliqi mensur yawashning 5-aprél ijtima'iy taratqular arqiliq "Barin inqilabi" ning 31 yilliqini xatirilishi we Uyghurlarning baldurraq musteqilliqqe érishishini tilishi xitayning enqerediki bash elchixanisini qattiq bi'aram qilghan. Buning bilen ular xitay elchixanisining tehdit sélishigha uchrighan idi. Yetkin öztürk ependi bayanatida xitayning Uyghurlargha irqiy qirghinchiliq élip bériwatqan bügünki künde "Iyi" partiyesining re'isi meral aqshener xanim bilen enqere sheher bashliqi mensur yawashqa tehdit sélishini qattiq eyibleydighanliqini tekitlep, mundaq dédi: "Partiyemizning re'isige tehdit sélish arqiliq türkiye dölitige we xelqige qilghan bu hörmetsizlike qarap turalmaymiz. Kishilik hoquqqa hörmet qilmay sherqiy türkistanda insaniyetke qarshi jinayet ishlewatqan xitayning diplomatiyilik qa'idilerge ri'aye qilmastin tehdit sélishini qattiq eyibleymiz. Eng axirida béyjing hökümitini kallisini silkiwétip ish qilishqa chaqirimiz."

Axbarat bayanati oqup ötülgendin kéyin "Iyi" partiyesining rehberliri we bezi parlamént ezaliri üstige "Ey xitay, bu yer enqere" dégen xet yézilghan qara gülchembirekni xitay elchixanisining ishikige qoyghan. Andin kéyin qatnashquchi ammining chawak awazliri astida xitay elchixanisi aldidin ayrilghan.

6-7-Aprél künliri "Iyi" partiyesining istanbul shehridiki mes'ulliri xitayning istanbulda turushluq konsulxanisining aldida namayish ötküzgen. Namayishqa "Iyi" partiyesi rehberliri, partiye ezaliri, xelq ammisi we istanbuldiki Uyghurlardin bolup köp sanda kishi ishtirak qilghan. Uyghur pa'aliyetchi alimjan turdi ependi bu heqte bizge melumat bérip, türkiyede xitaygha bolghan nepretning künsayin küchiyiwatqanliqini, uda ikki kün namayish ötküzülgenlikini otturigha qoydi.

7-Aprél küni enqere we istanbuldin bashqa türkiyening eng chong sheherliridin bursa shehridimu xitaygha qarshi naraziliq namayishi ötküzülgen bolup, namayishqa qolida türkiye bayriqi bilen kök bayrak kötüriwalghan köp sanda kishi ishtirak qilghan. Ularning hemmisi birdek xitaygha qarshi shu'arlar towlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet