Jaza lagérliri mesilisi "Yawropada irqchiliqqa qarshi turush" yighinida otturigha qoyuldi

Ixtiyariy muxbirimiz ekrem
2019-04-18
Élxet
Pikir
Share
Print
Parizhda chaqirilghan "Yawropada irqchiliqqa qarshi turush" yighinigha d u q ning re'isi dolqun eysa ependi Uyghur rayonining weziyitini chüshendürmekte. 2019-Yili 17-aprél.
Parizhda chaqirilghan "Yawropada irqchiliqqa qarshi turush" yighinigha d u q ning re'isi dolqun eysa ependi Uyghur rayonining weziyitini chüshendürmekte. 2019-Yili 17-aprél.
RFA/Ekrem

Firansiye paytexti parizhda chaqirilghan "Yawropada irqchiliqqa qarshi turush" yighinigha dunya Uyghur qurultiyining rehberlirimu qatnashqan.

17-Aprél bashlan'ghan, 19-aprél axirlishidighan "Yawropada irqchiliqqa qarshi turush" yighini firansiyening parizh shehiridiki istirahet (xolidey in) méhmanxanisida ötküzülmekte. Mezkur yighinni "Yawropada irqchiliqqa qarshi turush herikiti teshkilati" teshkilligen. Yighin'gha dunyaning herqaysi elliride irqchiliqqa qarshi aktip pa'aliyet élip bériwatqan 20 din artuq xelq'araliq teshkilatlar qatarida d u q mu teklip qilin'ghan.

Bu yighinning asasiy témisi---yawropada bash kötürüwatqan milletchilik we irqchiliqqa ortaq qarshi turush, dunyaning herqaysi jayliridiki irqchiliq we milletchilikni cheklesh yolida tirishchanliq körsitish, köchmenlerning bixeterlikige kapaletlik qilish we ulargha yardemde bolushning yollirini izdeshtin ibaret bolghan.

Bu qétimqi yighin'gha alahide teklip bilen qatnashqan d u q re'isi dolqun eysa ependi yighinda Uyghur diyarida dawamlishiwatqan jaza lagérliri mesilisini tepsiliy anglatqan. Dolqun eysa yene xitay hakimiyitining irqchiliq we milletchilik siyasetliri netijiside nöwette élip bériliwatqan irqiy qirghinchiliqlirini pash qilghan.

Dolqun eysa ependining doklatidin kéyin yighin ehli sherqiy türkistan mesilisi, jümlidin xitayning jaza lagérliri siyasiti üstide muzakiriler élip barghan.

D u q re'isining bildürüshiche "Yawropada irqchiliqqa qarshi turush herikiti teshkilati" ning re'isi bénjamin ependi bu yil 2-ayda dunyaning herqaysi elliridin bolghan 380 neper parlamént ezalirining imzasini élish arqiliq Uyghur diyaridiki jaza lagérlirigha qarshi xelq'araliq seperwerlik herikiti qozghighan iken.

D u q re'isi bu qétim yighin jeryanida herqaysi ellerdin kelgen teshkilat mes'ulliri bilen tonushush, ulargha Uyghurlarning mesilisini ichkirilep chüshendürüsh pursitige érishken.

Dolqun eysa ependining bayan qilishiche, firansiye hökümiti sherqiy türkistandiki jaza lagérliri mesilisige izchil halda süküt qilish pozitsiyesini tutup kéliwatqan bir dölet bolup, firansiyediki her sahe teshkilatlarning küchidin paydilinip firansiye hökümitige bésim ishlitish d u q ning nöwettiki muhim xizmetliridin biri bolup hésablinidiken.

Toluq bet