Jenwediki b d t binasining aldi Uyghur irqiy qirghinchiliqigha qarshi sadalar bilen toldi

Ixtiyariy muxbirimiz ekrem
2023.02.15
duq-jenwe-bdt-namayish-1.jpeg D u q re'isi dolqun eysa b d t ning jenwediki bash shtabining aldida ötküzülgen namayishta nutuq sözlimekte, 2022-yili 15-féwral, jenwe, shiwétsariye.
RFA/Ekrem

B d t da xitayning xelq'ara ehdinamilargha hörmet qilish mesilisini közdin köchürüsh yighini mezgilide, Uyghurlar jenwede namayish élip bardi.

B d t ning iqtisadiy, ijtima'iy we medeniyet hoquqi komitétining 73-nöwetlik yighini 2-ayning 14-küni jenwede bashlandi. Bu qétimqi yighinda xitay hakimiyitining xelq'ara ehdinamilargha hörmet qilish mesilisi közdin köchürülidighan bolup, d u q ni öz ichige alghan bir qisim xelqaraliq kishilik hoquq teshkilatlirimu bu yighin'gha közetküchi süpitide qatnashti.

15-Féwral xitayni soraqqa tartish yighinigha biwaste qatnashqan d u q re'isi dolqun eysa ependining bildürishiche, b d t xadimliri bu yighinda Uyghurlarning iqtisadiy, ijtima'iy we medeniyet heqlirining depsende qilinish mesilisi heqqide köplep su'allar sorighan. Xitay da'iriliri bolsa her qétimqigha oxshash bu yighindimu özlirining atalmishi “Milliy siyasetliri”ni aqlighan we medhiyeligen.

Bügün, yeni 15-féwral xitay hakimiyiti b d t ning iqtisadiy, ijtima'iy we medeniyet hoquqi komitéti teripidin su'al-soraqlargha tartiliwatqan deqiqilerde, d u q ning orunlashturushi bilen dunyaning herqaysi elliridin kelgen Uyghurlar b d t ning jenwediki wilson merkizi binasining aldigha toplinip, xitay hakimiyitining Uyghurlargha qarita yürgüziwatqan irqiy qirghinchiliq we insaniyetke qarshi jinayetlirige bolghan ghezeb-nepretlirini keng kölemlik namayish arqiliq namayen qildi.

B d t ning jenwediki bash shtabining aldida ötküzülgen namayishtin körünüsh, 2022-yili 15-féwral, jenwe, shiwétsariye.
B d t ning jenwediki bash shtabining aldida ötküzülgen namayishtin körünüsh, 2022-yili 15-féwral, jenwe, shiwétsariye.
RFA/Ekrem

Namayishqa yawropadiki herqaysi ellerdin kelgen Uyghurlar, tibetlikler hem bir qisim yerlik kishilik hoquq teshkilatliri ezaliridin bashqa, yene qazaqistan, türkiye qatarliq yiraq döletlerdinmu bir bölük Uyghur wekiller kélip qatnashqan. Bu qétimqi namayishqa qatnashqan d u q ning mu'awin re'isi perhat muhemmidi ependi bu heqte bizni melumatlar bilen teminlidi.

B d t jenwe bash shtabining aldidiki namayishta sherqiy türkistan jumhuriyitining bayriqini kötürüwalghan namayishchilar , 2022-yili 15-féwral, jenwe, shiwétsariye.
B d t jenwe bash shtabining aldidiki namayishta sherqiy türkistan jumhuriyitining bayriqini kötürüwalghan namayishchilar , 2022-yili 15-féwral, jenwe, shiwétsariye.
RFA/Ekrem

Gollandiyedin alayiten jenwege kelgen lagér shahiti qelbinur sidiqmu xitayning weziyitini közdin köchürüsh yighinigha biwaste qatnashqan bolup, u yighin meydanidin bizni udulluq munasiwetlik uchurlar bilen teminlep turdi. U bu heqte ziyaritimizni qobul qilghanda, xitay da'irilirining yighinda sherqiy türkistandiki Uyghurlargha tutuwatqan mu'amililer heqqide bir-biridin öte yalghanlarni otturigha qoyghanliqini tilgha aldi. Shiwétsariyediki Uyghur siyasiy aktipliridin hébibullah izchimu bügünki bu pa'aliyetler heqqide öz tesiratlirini ipade qilip ötti.

duq-jenwe-bdt-namayish-4.jpeg

D u q ning bir bölük xadimliri 14-yanwar künila jenwege yétip kelgen bolup, ular b d t ning iqtisadiy, ijtima'iy we medeniyet hoquqi komitéti jaylashqan wilson merkizi binasining aldida zor kölemlik bir resim körgezmisi pa'aliyitini bashlighan idi. “Shinjang saqchi höjjetliri” asasida hazirlan'ghan bu resim körgezmisi pa'aliyiti 3 kün dawamlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.