Korladiki 5 neper ayal éghir késiwétilgen a'ilidin yene ikki er we bir kélinning muddetsiz késilgenliki ashkarilandi

Muxbirimiz shöhret hoshur
2022.01.27
Share on WhatsApp
Share on WhatsApp
Korladiki 5 neper ayal éghir késiwétilgen a'ilidin yene ikki er we bir kélinning muddetsiz késilgenliki ashkarilandi Kifaye yaqup xanimning a'ilisidin muddetsiz késiwétilgen yoldishi mexmut memet (ongda) we qéyin'inisi musajan memet (solda).
Photo: RFA

Korladiki bir a'ilidin besh ayal éghir késilgenliki heqqidiki sot hökümi toghruluq bergen bir yürüsh xewerlirimiz élan qilin'ghandin kéyin, mezkur a'ilining kifaye yaqup isimlik bir kélinining nöwette istanbulda yashawatqanliqi otturigha chiqti. Muxbirimizning ziyaritini qobul qilghan kifaye xanim, mezkur a'ilidin késiwétilgen 9 kishidin yoldishi mehmut memet, qéyin'inisi musajan memet we yenggisi zöhregül xudaberdilerning muddetsizdin késiwétilgenliki we bularning tutulghandin ta hazirgha qeder héchkim bilen körüshtürülmigenlikini ashkarilidi.

Sanji türmiside 17 yilliq jaza mudditini ötewatqan 78 yashliq mehkum xelchem pazilning nöwette istanbulda yashawatqan kélini kifaye yaqup xanim, bügün radiyomiz ziyaritini qobul qilip, mezkur a'ilining ehwali heqqide yene bir qisim toluqlima melumatlarni berdi. Uning déyishiche, xelchem pazilning 3 oghul, 4 qiz, jem'iy 7 perzenti bar iken. Bulardin ilgiriki xewerlirimizde déyilgen 3 qiz we bir kélinining késilip ketkinidin bashqa, oghulliridin yene mexmut memet, musajan memetmu muddetsiz késilip ketken iken.

Déyilishiche, musajan memet ilgiri shinjang oniwérsitétida oquwatqan mezgilide namaz oqughanliqi bayqilip qélip mekteptin heydelgen, kéyin yene atalmish “Térorchilargha zerbe bérish” dolqunlirida ikki qétim tutqun qilinip, 5 yilliq we 3 yilliq késiwétilgen. Kéyinki üch yilliq jazasini türme sirtida ijra qiliwatqan mezgilide, yeni 2017‏-yili chong tutqun bashlinip, 3‏-qétim tutqun qilin'ghan we muddetsiz késiwétilgen. Uning ayali zöhregül xudaberdimu uning bilen birlikte tutqun qilinip muddetsiz késiwétilgen. Zöhregülning késilishige uning korla sheherlik hökümettiki xizmet ornidin istépa bergenliki atalmish “Jinayi pakit” qatarida körsitilgen.

Téléfon ziyaretlirimiz dawamida, alaqidar xadimlarning köpinchisi mehmut memet we musjan memet aka-ukilar heqqide gep qilishtin özini tartti. Peqet melum bir ahaliler kométitidiki bir amanliq mudiri mehmut memetning muddetsiz késiwétilgenliki we musajan memetning “Térorluq” bilen eyiblen'genlikini delilligen bolsimu, emma ularning konkirét qilmishiliri we jaza ötewatqan türmiliri heqqide melumat bermidi. Yene korlagha qarita élip barghan éniqlashlirimiz dawamida, korla sheher yanggu'ang ahaliler rayonidin késilip ketken bir qisim tutqunlarning tizimliki qolimizgha chüshti. Tizimlikte musajan memetning “Térorluq” bilen eyiblinip, muddetsiz késiwétilgenliki we korladiki bingtu'en türmiside jaza mudditini ötewatqanliqi qeyt qilin'ghan.

Korlida-Kesilgenler-Tizimligi-2022.jpg
Korla sheher yanggu'ang ahaliler rayonidin késilip ketken bir qisim tutqunlarning tizimliki.

Aldinqi hepte mezkur a'ile heqqidiki xewerlirimizni körüp radiyomizgha inkas yollighan yüsüpjan pirdewsi ependi, musajan memetning bir “Térorchi” emes, eksinche ilim-meripetke izchil intilgen we siyasiy weziyet seweblik xitayning dölet térorining qurbanigha aylan'ghan kishilerdin biri ikenlikini tilgha aldi.

Kifaye xanimning déyishiche, yoldishi mehmut memet xizmitidin chékinip chiqip, soda-tijaret bilen shughullan'ghan we utuq qazan'ghan karxanichilardin biri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.