Хитай һөкүмити җасус клаус. Л ни д у қ ға соқундуруп киргүзмәкчи болған

Ихтиярий мухбиримиз әкрәм
2021-07-08
Share
Хитай һөкүмити җасус клаус. Л ни д у қ ға соқундуруп киргүзмәкчи болған Хитай баш министири ли кечяң берлинға келиштин бурун есилған германийә вә хитай дөләт байрақлири. 20217-Йили 31-май, германийә.
AFP

6-Июл күни, германийәниң дөләтлик радио-телевизийә қанили болған ARD "федиратсийә ахбарат идарисиниң хәвәрчиси хитайға җасуслуқ қилдиму?" намлиқ бир обзор елан қилди. Обзорда мюнхен шәһридә яшайдиған 75 яшлиқ клаус. Л ниң хитайға җасуслуқ қилиш гумани билән қолға елинғанлиқи, сорақ-соал җәрянида хитай җасуслуқ оргининиң уни д у қ ға соқунуп киришкә буйриғанлиқиниң ашкариланғанлиқи баян қилинди.

Обзорда ипадә қилинишичә, 75 яшлиқ җасус гумандари клаус л. Әмдила италийә саяһитини ахирлаштуруп мюнхендики өйигә қайтип кәлгәндә, ишик алдида сақлап турған сақчилар тәрипидин қолға елинған. Сәвәби: германийә федератсийә тәптиш мәһкимиси уни хитай җасуслуқ органлирини ахбарат билән тәминлигәнлик гумани билән әйиблигән. Мюнхен районлуқ юқири сот мәһкимисигә "мәхпий җусуслуқ һәрикәтлири билән шоғулланған" дәп әрз сунған.

ARD Ниң берлиндики баш шитаби елан қилған мәзкур обзордин мәлум болушичә, исим-фамилиси толуқ ашкариланмиған клаус л. Әслидә хиристиян демократлар партийәсигә йеқин болған "ханнс-сейдел фонди җәмийити" ниң рәсмий хизмәтчиси икән. Униң хитай башлиқи авменда яшайдикән. У аяли билән биргә 2019-йили 11-айниң 23-күни авмендики хитай рәһбәрлири билән көрүшүш үчүн мюнхен айродромиға қарап йолға чиқмақчи болғанда, ишик алдидила сақлап турған сақчилар тәрипидин биринчи қетим тутуп тәкшүрүлгән. Өйлири, чамаданлири ахтурулуп оңтәй-тоңтәй қиливетилгән, компийотер вә телефонлири, аилисидики еликтронлуқ мулазимәт үскүнилириниң һәммиси тәпсилий тәкшүрүлгән. Әмма у чағда қолға елинмиған. Бирақ бу қетим улар 5-июл күни италийәдин қайтип келиши һаман федератсийә ахбарат идариси "қечип кетиши мумкин" дегән гуман билән рәсмий қолға алған.

Қизиқарлиқ болғини, клаус л. Дәп аталған бу адәм қош йүзлүк җасус гумандари икән. У қанчә 10 йиллардин буян федератсийә ахбарат идарисини башқа дөләтләргә аит мәлуматлар билән тәминләп, мәлум миқдарда тапан һәққигә еришип кәлгән. Бу сәвәбтинму федератсийә ахбарат идарисиниң мюнхендики баш мәркизигә халиғанда кирип чиқалайдикән, мунасивәт даирисиму кәңри икән.

Бундин 10 йиллар илгири у пенсийәгә чиққандин кейин, бир қетимлиқ шаңхәй зиярити мәзгилидә хитай тәрәпниң қилтиқиға чүшкән. Хитай җасуслуқ органлири уни мәхпий ахбарат йәткүзүш юмталлири билән тәминлигән. Лекин униң һазирға қәдәр хитайни зади қандақ учурлар билән тәминлигәнлики техи мәлум әмәскән. Бирақ мәлум болған муһим бир нуқта шуки, д у қ ға даир учурларни қолға чүшүрүш болған. Хитай җасуслуқ оргининиң уни д у қ ға соқунуп киришкә буйриғанлиқи сорақ җәрянида оттуриға чиққан. У иқрарида "хитайниң өзини д у қ дин вәзипә елишқа буйриғанлиқини, әмма өзиниң бу тәләпни рәт қилғанлиқи" ни тилға алған.

Д у қ рәиси долқун әйса әпәндиниң билдүришичә, хитайниң д у қ ға җасус соқундуруп киргүзүшкә урунушлири хели узун тарихи бар бир җәрян икән. 2009-Йили вә униңдин илгири мюнхенда қолға елинған бир бөлүк җасусларниң вәзиписиму д у қ ға соқунуп кириш вә униң мәлуматлирини игиләш болған. Лекин хитайниң мәқсиди әмәлгә ашмиған.

Өзини шуқәдәр күчлүк чағлаватқан хитай немә үчүн һазирға қәдәр д у қ ға җасус киргүзүш мәқсидигә йетәлмәйду?

Д у қ рәиси долқун әйса әпәнди бу соалниң җаваби үстидә тохталғанда, д у қ ниң өзигә хас алаһидилики вә тәшкилий қурулмисиға аит бирқанчә тәрәпниң хитайниң бу саһәдики урунушлирини изчил битчит қилип кәлгәнликини тәкитлиди. У сөзидә йәнә д у қ ниң өз имканлириға лайиқ бихәтәрлик тәдбирлиригә әһмийәт бериватқанлиқини әскәртти.

Йеқинқи мәзгилләрдин буян, хитай һакимийитиниң чәт әллик язғучиларни, мухбирларни вә кишилик һоқуқ паалийәтчилирини сетивилип д у қ һәм униң рәһбәрлирини қарилашқа күшкүртиватқанлиқи мәлум болған иди. ARD Ниң бу обзорида ашкарилинишичә, җасус гумандари клаус л. Хитайниң тәлипи бойичә уйғурларниң мәхпийәтликини сетишни рәт қилған шундақла хитай тәрәпкә федератсийә ахбарат идарисиниң өзи билидиған җасуслиридин бирниму ашкарилап қоймиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт