Dunya köchmenler künini qutluqlash pa'aliyitide Uyghurlarmu alahide tilgha élindi

Ixtiyariy muxbirimiz erkin tarim
2022.12.19
Sulayman-Soylu-Uyghur-wekiller-Dunya-Musapirlar-kuni-1.jpg Enqerede ötküzülgen dunya köchmenler künini qutluqlash pa'aliyitide (ongdin üchinchi) türkiye ichki ishlar ministiri sulayman soylu we ma'arip ministiri mexmut özer(tötinchi) ependiler. 2022-Yili 18-dékabir, türkiye.
RFA/Erkin Tarim

12-Ayning 18-küni dunya köchmenler küni. Bu kün munasiwiti bilen türkiyening paytexti enqerede ötküzülgen dunya köchmenler künini qutluqlash pa'aliyitige türkiyede pa'aliyet élip bériwatqan sherqiy türkistan ammiwi teshkilatlirimu ishtirak qilghan bolup, yighinda türkiye ichki ishlar ministiri sulayman soylu zulumdin qéchip türkiyege kelgen Uyghurlargha quchaq achqanliqini tekitlidi.

12-Ayning 18-küni enqerede ötküzülgen yighinda türkiye ichki ishlar ministiri sulayman soylu, ma'arip ministiri mexmut özer, enqere sheher bashliqi wasip shahin we birleshken döletler teshkilati musapirlar bashqarmisining türkiyediki mes'uli gerard karl wa'ite (Gerard Karl Waite) qatarliq rehberler söz qilghan. Uyghurlargha wakaliten istanbulda pa'aliyet élip bériwatqan xelq'ara sherqiy türkistan teshkilatlar birliki re'isi hidayetullah oghuzxan, sherqiy türkistan ma'arip we hemkarliq teshkilati bash katipi abdul'exet abdurehim qatarliqlardin teshkil tapqan hey'et teklip boyiche qatnashqan.

Enqerede ötküzülgen dunya köchmenler künini qutluqlash pa'aliyitide türkiye ichki ishlar ministiri sulayman soylu sözlimekte. 2022-Yili 18-dékabir, türkiye.
Enqerede ötküzülgen dunya köchmenler künini qutluqlash pa'aliyitide türkiye ichki ishlar ministiri sulayman soylu sözlimekte. 2022-Yili 18-dékabir, türkiye.
RFA/Erkin Tarim

Yighinning échilish murasimida söz qilghan türkiye ichki ishlar ministiri sulayman soylu ependi “Zulum we bésimdin qéchip öz wetini bolghan türkiyege kelgen Uyghur qérindashlirimizgha quchiqimizni achtuq, bundin kéyinmu échishni dawam qilimiz” dégen.

Hidayetulla oghuzxan ependi dunya köchmenler künini tebriklesh yighinida pütün dunyadiki urush, siyasiy bésim we apetke oxshash her xil seweblerdin öz yurtidin ayrilishqa mejbur qalghan kishiler duchar boluwatqan qiyinchiliqlarni otturigha qoyghan.

Ular yighin jeryanida türkiyening munasiwetlik rehberliri bilen ayrim-ayrim uchriship, türkiyediki Uyghur köchmenlirining qiyinchiliqliri toghrisidiki teleplirini sun'ghan.

U bu heqte ayrim ziyaritimizni qobul qilip öz pa'aliyetliri heqqide toxtaldi.

Enqerede ötküzülgen dunya köchmenler künini qutluqlash pa'aliyitide türkiye ma'arip ministiri mexmut özer sözlimekte. 2022-Yili 18-dékabir, türkiye.
Enqerede ötküzülgen dunya köchmenler künini qutluqlash pa'aliyitide türkiye ma'arip ministiri mexmut özer sözlimekte. 2022-Yili 18-dékabir, türkiye.
RFA/Erkin Tarim

Mezkur yighin'gha türkiyege panahlan'ghan köp sandiki millettin wekiller ishtirak qilghan bolup, türkiye ichki ishlar ministiri échilish nutqida bir qanche milletning isminila tilgha alghandin kéyin Uyghurlar toghrisida alahide toxtalghan.

Hidayetulla oghuzxan ependi bu heqte melumat berdi.

Türkiyedin üchinchi döletke kétish üchün birleshken döletler teshkilatining enqerediki ish béjirish ornigha iltimas qilghan Uyghur musapirlardin mamutjan erkin ependi ziyaritimizni qobul qilip, türkiyediki musapir Uyghurlarning köpining qiyinchiliqliri hel bolghanliqini, lékin yenila bezi qiyinchiliqlarning mewjutluqini, bolupmu bashqa döletlerge kétish üchün kütüwatqanlargha 2011-yilidin buyan jawab kelmeywatqanliqini bildürdi.

Türkiye köchmenler idarisi 2013-yili qurulghandin béri her yili dunya köchmenler küni türkiyening herqaysi wilayetliride her xil pa'aliyetler bilen qutlinidighan bolup, Uyghurlar izchil türde bu xildiki pa'aliyetlerge qatniship Uyghurning nöwettiki éghir weziyitini we medeniyitini tonutup kelmekte. Enqerediki sherqiy türkistan kültür merkizining mudiri abdulxemit pamir ependi bu heqte melumat berdi.

Enqerede ötküzülgen dunya köchmenler künini qutluqlash pa'aliyitidin körünüsh. 2022-Yili 18-dékabir, türkiye.

Igilishimizche, 2022-yilining otturiliridin bashlap, türkiye ichki ishlar ministirliqi, “Türkiyede turuwatqan sherqiy türkistanliqlarning omumiy yüzlük türkiye puqraliqigha iltimas qilish salahiyitige ige bolghanliqi” ni jakarlighan bolsimu, lékin puqraliqqa iltimas qilish jeryanida resmiyette tapshurushqa tégishlik munasiwetlik höjjetlerning kemchil bolushi, dadisi yaki anisi Uyghur diyarida türmide yétiwatqan balilarning puqraliqqa iltimas qilishidiki qiyinchiliqlargha oxshash bir qatar qiyinchiliqlar kélip chiqqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.