Meshhur lagér süritidiki tutqunlardin biri loptiki abdulla xaret ikenliki ashkarilandi

Muxbirimiz shöhret hoshur
2019.04.25
lager-resim-delillengen-kishiler-edited-abdulla-xaret.jpg Meshhur lagér resimidiki kishilerning birining lop nahiye shipang meschitining xojiliq ishliri mes'uli abdulla xaret.
Social Media

Lop nahiyelik atalmish “Terbiyelesh merkizi” ge a'it meshhur sürettiki aldinqi rette olturghan aq chachliq kishining lop nahiye shipang meschitining xojiliq ishliri mes'uli abdulla xaret(yaghachchi), yeni abdulla yaghachchi dégen kishi ikenliki ashkarilandi. Abdulla xaretni süritidin tonuwalghan chet'eldiki lopluq muhajirlar bügün radiyomiz ziyaritini qobul qilip, uning kimliki we xisletliri heqqide guwahliq berdi. Guwahchilar abdulla xaretning shipang meschitning xojiliq ishlirini xalisane béjirip kéliwatqan teqwadar bir kishi ikenliki we tirikchilik koyidiki bir hünerwen ikenlikini alahide tekitlidi.

Lop nahiyesdiki yighiwélish lagérigha a'it meshhur sürettin tonuwélin'ghan tutqunlar heqqide élip barghan éniqlashlirimiz dawamida tutqunlardin birining lopta tonulghan yaghachchi abdulla xaret ikenliki we uning her waqit sawabliq ish izdepla yüridighan teqwadar bir kishi ikenliki ashkarilandi. Abdulla yaghachchining nöwette muhajirette yashawatqan bir mehellilikliri uning kimliki we xisletliri heqqide melumat berdi.

Igilinishiche, mezkur meshhur süret 2017‏-yili 4‏-ayda tartilghan. Xitay da'iriliri Uyghur rayonidiki yighiwélish lagérlirini xelq'ara sehnilerde “Kespi terbiye orni” dep atawatqan we uni térrorluqning aldini élish üchün tesis qilghanliqini ilgiri sürüwatqan idi. Yuqiriqi söhbetlerdin melum bolushiche, eslide “Kespiy terbiye” ge qilchimu éhtiyaji bolmighan, jem'iyette héchkimge ziyan-zexmiti yetmigen abdulla xaret 2 yildin artuq waqittin buyan lop nahiyesining béyjing sana'et rayondiki yighiwélish lagérida solinip yatmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.