Шиветсарийәниң моргес шәһиридә уйғур ирқий қирғинчилиқи тонуштурулди

Берндин ихтияри мухбиримиз һәбибулла изчи тәйярлиди
2023.11.15
irqiy-qirghinchiliqni-tonushturush-leo-5

Шиветсарийәниң моргес шәһиридә өткүзүлгән уйғур ирқий қирғинчилиқи тонуштуруш паалийитидә хәлқара кәчүрүм тәшкилати вә шивитсарийә уйғур җәмийити “шинҗаң” сақчи һөҗҗитидики тутқунларниң рәсмлирини көргәзмә қилди. 2023-Йили 14-ноябир. RFA/Hebibulla

irqiy-qirghinchiliqni-tonushturush-leo-4

Шиветсарийәниң моргес шәһиридә өткүзүлгән уйғур ирқий қирғинчилиқи тонуштуруш паалийитидә фирансийә ана тил мәктипиниң оқутқучиси, шиветсарийәдики уйғур навайчилиқи тәтқиқатчиси лео әпәнди сөз қилмақта. 2023-Йили 14-ноябир. RFA/Hebibulla

irqiy-qirghinchiliqni-tonushturush-3

Шиветсарийәниң моргес шәһиридә өткүзүлгән уйғур ирқий қирғинчилиқи тонуштуруш паалийәт ахирида хатирә сүрәт. 2023-Йили 14-ноябир. RFA/Hebibulla

antoniy-kewerek-2

Шиветсарийәниң моргес шәһиридә өткүзүлгән уйғур ирқий қирғинчилиқи тонуштуруш паалийитидә хәлқара кәчүрүм тәшкилати моргес шәһири вәкили антоний кеверек сөз қилмақта. 2023-Йили 14-ноябир. RFA/Hebibulla

lager-shahiti-gulbahar-xatiwaji-1

Шиветсарийәниң моргес шәһиридә өткүзүлгән уйғур ирқий қирғинчилиқи тонуштуруш паалийитидә лагер шаһитлиридин гүлбаһар хативаҗи ханимниң сөзини униң қизи тәрҗимә қилип бәрмәктә. 2023-Йили 14-ноябир. RFA/Hebibulla

Хитай һөкүмитиниң уйғур дияридики ирқий қирғинчилиқини паш қилишта чоң рол ойниған лагер шаһитлиридин бири болған гүлбаһар хативаҗи ханим 14-ноябир күни шиветсарийәниң моргес шәһиридики хәлққә уйғур ирқи қирғинчилиқини тонуштурди.

Өткән бирнәччә йилдин буян дуняниң һәрқайси җайлирида өз бешидин кәчүргән паҗиәлик қисмәтлирини баян қилиш арқилиқ дуня җамаитигә, шуниңдәк һәр қайси дөләтләрниң парламент вә һөкүмәтлиригә уйғурларниң бешиға келиватқан “заманиви қирғинчилиқ” ни тонуштуруватқан гүлбаһар хативаҗи ханимниң бу қетимқи паалийити, шиветсарийәниң моргес шәһиридики “хәлқара кәчүрүм тәшкилати” ниң мәркизи җайлашқан қәдимий қәләдә өткүзүлди. Паалийәт өткүзүлгән қәдимий қәләниң каридор вә паалийәт заллириға “шинҗаң сақчи һөҗҗити” дики тутқунларниң рәсимлири тизилған болуп, бу паалийәт қатнашқучилириниң алаһидә диққитини тартқан иди.

Гүлбаһар ханим өз бешидин кәчүргән аччиқ қисмәтләрни моргес хәлқигә тонуштуруш билән биргә паалийәткә қатнашқучиларниң соаллириға җаваб бәрди. Гүлбаһар хативаҗи ханим нәқ мәйдандин зияритимизни қобул қилип, бу қетимқи гуваһлиқ паалийитиниң толиму утуқлуқ болғанлиқини баян қилди.

Бүгүнки бу гуваһлиқ паалийитигә йәнә, шиветсарийәдики уйғур тарихи тәтқиқатчиси, “фирансийә ана тил мәктипи” ниң уйғур тарихи вә ана тил оқутқучиси лео әпәндим, “хәлқара кәчүрүм тәшкилати” моргес шәһәрлик яшлар гурупписиниң пидаийлиридин антоний кеверк әпәндимләрму қатнашқан иди. Бу қетимқи гуваһлиқ паалийитиниң риясәтчиликини қилған антоний кеверек әпәндим нәқ мәйдандин зияритимизни қобул қилип, бу паалийәтниң асаслиқ мәқсити вә ғәлибилик бир паалийәт болғанлиқини тилға алди.

Бу паалийәтни тәшкиллигүчиләрдин шиветсарийә уйғур җәмийитиниң сабиқ рәиси әндили қараханли әпәндимму бу паалийәтниң тәшкиллиниш җәряни һәққидә, болупму явропа уйғур институти әзаси леон әпәндимниң “шәрқий түркистанниң әслидә хитай ишғал қиливалған бир земин икәнлики вә уйғурларниң шу земинниң әсли һәқдарлири икәнликини, хитайниң йүргүзүватқан сияситиниң ишғалийәт сиясити икәнликини” тонуштуруп толиму тәсирлик баян қилғанлиқи һәққидә өзиниң көз қарашлирини баян қилип өтти.

Моргес шәһиридә өткүзүлгән бу паалийәтни шивитсарийә уйғур җәмийити, хәлқара кәчүрүм тәшкилати вә явропа уйғур институти бирликтә тәшкиллигән болуп, паалийәткә қатнашқан моргеслиқлар гүлбаһар ханимниң хитайниң җаза лагеридики ечинишлиқ һаят һекайисини аңлап көз яшлирини туталмиди. Шуниңдәк хитайниң бу хилдики инсанийәткә қарши җинайәтлирини тосушниң бир муһим йоли явропада хитай мәһсулатлирини байқут қилиш икәнликини билдүрүшти. Шуниң билән биргә бүгүн бу паалийәткә қатнашқанларниң уйғурларниң бешиға келиватқан бу паҗиәлик қисмәтләрни әтрапидикиләргә билдүрүши инсаний вә виҗдани мәҗбурийәт икәнликини ейтишип, гүлбаһар ханимға вә башқа уйғурларға мәдәт тиләшти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.