Shiwétsariyening morgés shehiride Uyghur irqiy qirghinchiliqi tonushturuldi

Bérndin ixtiyari muxbirimiz hebibulla izchi teyyarlidi
2023.11.15
irqiy-qirghinchiliqni-tonushturush-leo-5

Shiwétsariyening morgés shehiride ötküzülgen Uyghur irqiy qirghinchiliqi tonushturush pa'aliyitide xelq'ara kechürüm teshkilati we shiwitsariye Uyghur jemiyiti “Shinjang” saqchi höjjitidiki tutqunlarning resmlirini körgezme qildi. 2023-Yili 14-noyabir. RFA/Hebibulla

irqiy-qirghinchiliqni-tonushturush-leo-4

Shiwétsariyening morgés shehiride ötküzülgen Uyghur irqiy qirghinchiliqi tonushturush pa'aliyitide firansiye ana til mektipining oqutquchisi, shiwétsariyediki Uyghur nawaychiliqi tetqiqatchisi lé'o ependi söz qilmaqta. 2023-Yili 14-noyabir. RFA/Hebibulla

irqiy-qirghinchiliqni-tonushturush-3

Shiwétsariyening morgés shehiride ötküzülgen Uyghur irqiy qirghinchiliqi tonushturush pa'aliyet axirida xatire süret. 2023-Yili 14-noyabir. RFA/Hebibulla

antoniy-kewerek-2

Shiwétsariyening morgés shehiride ötküzülgen Uyghur irqiy qirghinchiliqi tonushturush pa'aliyitide xelq'ara kechürüm teshkilati morgés shehiri wekili antoniy kéwérék söz qilmaqta. 2023-Yili 14-noyabir. RFA/Hebibulla

lager-shahiti-gulbahar-xatiwaji-1

Shiwétsariyening morgés shehiride ötküzülgen Uyghur irqiy qirghinchiliqi tonushturush pa'aliyitide lagér shahitliridin gülbahar xatiwaji xanimning sözini uning qizi terjime qilip bermekte. 2023-Yili 14-noyabir. RFA/Hebibulla

Xitay hökümitining Uyghur diyaridiki irqiy qirghinchiliqini pash qilishta chong rol oynighan lagér shahitliridin biri bolghan gülbahar xatiwaji xanim 14-noyabir küni shiwétsariyening morgés shehiridiki xelqqe Uyghur irqi qirghinchiliqini tonushturdi.

Ötken birnechche yildin buyan dunyaning herqaysi jaylirida öz béshidin kechürgen paji'elik qismetlirini bayan qilish arqiliq dunya jama'itige, shuningdek her qaysi döletlerning parlamént we hökümetlirige Uyghurlarning béshigha kéliwatqan “Zamaniwi qirghinchiliq” ni tonushturuwatqan gülbahar xatiwaji xanimning bu qétimqi pa'aliyiti, shiwétsariyening morgés shehiridiki “Xelq'ara kechürüm teshkilati” ning merkizi jaylashqan qedimiy qel'ede ötküzüldi. Pa'aliyet ötküzülgen qedimiy qel'ening karidor we pa'aliyet zallirigha “Shinjang saqchi höjjiti” diki tutqunlarning resimliri tizilghan bolup, bu pa'aliyet qatnashquchilirining alahide diqqitini tartqan idi.

Gülbahar xanim öz béshidin kechürgen achchiq qismetlerni morgés xelqige tonushturush bilen birge pa'aliyetke qatnashquchilarning so'allirigha jawab berdi. Gülbahar xatiwaji xanim neq meydandin ziyaritimizni qobul qilip, bu qétimqi guwahliq pa'aliyitining tolimu utuqluq bolghanliqini bayan qildi.

Bügünki bu guwahliq pa'aliyitige yene, shiwétsariyediki Uyghur tarixi tetqiqatchisi, “Firansiye ana til mektipi” ning Uyghur tarixi we ana til oqutquchisi lé'o ependim, “Xelq'ara kechürüm teshkilati” morgés sheherlik yashlar guruppisining pida'iyliridin antoniy kéwérk ependimlermu qatnashqan idi. Bu qétimqi guwahliq pa'aliyitining riyasetchilikini qilghan antoniy kéwérék ependim neq meydandin ziyaritimizni qobul qilip, bu pa'aliyetning asasliq meqsiti we ghelibilik bir pa'aliyet bolghanliqini tilgha aldi.

Bu pa'aliyetni teshkilligüchilerdin shiwétsariye Uyghur jem'iyitining sabiq re'isi endili qaraxanli ependimmu bu pa'aliyetning teshkillinish jeryani heqqide, bolupmu yawropa Uyghur instituti ezasi lé'on ependimning “Sherqiy türkistanning eslide xitay ishghal qiliwalghan bir zémin ikenliki we Uyghurlarning shu zéminning esli heqdarliri ikenlikini, xitayning yürgüzüwatqan siyasitining ishghaliyet siyasiti ikenlikini” tonushturup tolimu tesirlik bayan qilghanliqi heqqide özining köz qarashlirini bayan qilip ötti.

Morgés shehiride ötküzülgen bu pa'aliyetni shiwitsariye Uyghur jem'iyiti, xelq'ara kechürüm teshkilati we yawropa Uyghur instituti birlikte teshkilligen bolup, pa'aliyetke qatnashqan morgésliqlar gülbahar xanimning xitayning jaza lagéridiki échinishliq hayat hékayisini anglap köz yashlirini tutalmidi. Shuningdek xitayning bu xildiki insaniyetke qarshi jinayetlirini tosushning bir muhim yoli yawropada xitay mehsulatlirini bayqut qilish ikenlikini bildürüshti. Shuning bilen birge bügün bu pa'aliyetke qatnashqanlarning Uyghurlarning béshigha kéliwatqan bu paji'elik qismetlerni etrapidikilerge bildürüshi insaniy we wijdani mejburiyet ikenlikini éytiship, gülbahar xanimgha we bashqa Uyghurlargha medet tileshti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.