Xu'a en sayahet shirkitining mu'awin diréktori aytursun élining lagérda ölgenliki delillendi

Muxbirimiz shöhret hoshur
2019-06-18
Élxet
Pikir
Share
Print
Lagérda ölgenliki delillengen xu'a en sayahet shirkitining mu'awin diréktori aytursun éli.
Lagérda ölgenliki delillengen xu'a en sayahet shirkitining mu'awin diréktori aytursun éli.
Photo: RFA

Tünügün xelq'araliq Uyghur kishilik hoquq we démokratiyini ilgiri sürüsh jem'iyitining tor bétide Uyghur aptonom rayonluq ayallar birleshmisige a'it mexpiy matériyal ikenliki ilgiri sürülgen bir Awazliq söhbet Xatirisi élan qilindi. Söhbet mezkur birleshmining melum bir xadimi bilen qizi lagérda ölgen bir ana arisida dawam qilghan. Bu matériyalda qeshqer xu'a en sayahet shirkitining mu'awin diréktori we sayahet yétekchisi 34 yashliq aytursun élining lagérda ölgenliki qeyt qilin'ghan. Muxbirimizning éniqlashliri dawamida bu awaz xatirisining ayallar birleshmisige tewe ikenliki aydinglashmighan bolsimu, aytursunning lagérda ölgenliki delillendi. Töwende muxbirimiz shöhret hoshurning bu heqte teyyarlighan programmisi diqqitinglarda bolidu.

Hörmetlik radi'o anglighuchilar, aptonom rayonluq ayallar birleshmisige a'it mexpiy matériyal ikenliki ilgiri sürülgen mezkur söhbet xatiriside, aytursun élining kimliki heqqide mundaq melumat bérilgen. Déyilishiche, qeshqer xu'a en sayahet shirkitining mu'awin diréktori, 34 yashliq aytursun éli bultur 6 ‏-ayning 5‏-küni atalmish terbiyeleshke élip kétilgen we aridin 4 kün ötkende, aytursunning jesiti a'ilisige tapshurulghan. Mezkur torbettiki bu söhbet xatirisining menbesi heqqidiki chüshendürüshte, bir muhajir Uyghurning ürümchidiki alaqidar qanalliri arqiliq mezkur awaz xatirisini qolgha chüshürgenliki we buni alaqidar dölet we axbarat organlirigha yetküzüp qoyush tiliki bilen washin'gtonda pa'aliyet élip bériwatqan dunya Uyghur qurultiyining sabiq aliy rehbiri rabiye qadir xanimgha yetküzgenliki bayan qilin'ghan. . Biz bu söhbet xatirisining rastinila aptonom rayonluq ayallar birleshmisige a'it yaki emeslikini éniqlash üchün mezkur organ'gha téléfon qilduq. Da'iriler, bu heqte ziyaret qobul qilishni ret qilghandin kéyin, qeshqer xu'a en sayahet shirkitige téléfon qilduq. Shirket xadimi, aytursun élining wapat bolushtin awwal bu shirkette ishligenlikini delillidi. Mezkur xadim, aytursunning qachan wapat bolghanliqi heqqidiki so'alimizgha 'ötken yilning mushu ayliri' dep jawab berdi. Biz yene muhajirettiki Uyghurlar arisida éniqlash élip bérish arqiliq mezkur söhbet xatirisining esli toluq nusxisigha érishtuq. Buningda aytursunning ölüm xewirining a'ilisige uqturulush jeryani heqqide munular qeyt qilin'ghan. Melum bolushiche, aytursun lagérgha ekitilip 4 kündin kéyin ikki neper saqchi aytursunning a'ilisige yétip kelgen we uning xizmet orni we salametlik ehwali heqqide melumat sorighan. Arqidin eger ular ghowgha chiqarmisa, doxturxanigha apirip qizini körsitidighanliqini éytqan. Emma uning jan üzüp bolghanliqini bayan qilmighan. Aytursunning anisi patigül yasin bilen dadisi dadisi éli ghopur doxturxanigha kelgende bir top puqrache kiyin'gen saqchilarning qorshawida özini körgen. 

Hörmetlik radi'o anglighuchilar, yuqirida 34 yashliq mu'awin diréktor aytursun élining ölümi heqqide aptonom rayonluq ayallar birleshmisige a'it ikenliki ilgiri sürülgen bir awaz xatiriside qeyt qilin'ghanlar we qeshqer xu'a en sayahet shirkitining bayanlirini diqqitinglargha sunduq.

Toluq bet