Xitay bash ministiri li chyangning awstraliye ziyariti qattiq naraziliqqa uchrighan

Bérndin ixtiyariy muxbirimiz hebibulla izchi teyyarlidi
2024.06.18
li-qiang-awstraliye-namayish-1 Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
RFA/Hebibulla Izchi

Xitay bash ministir li chyangning awstraliye ziyariti awstraliyediki Uyghur, tibet, xongkong we falün'gungchilarning qattiq naraziliqigha uchrighan.

Bu xitay bash ministirining 7 yildin kéyin awstraliyediki tunji ziyariti bolup, li chyang bu qétimqi ziyaritining tunji békiti bolghan awstraliyening adélayd shehirige kelgende, adélayda yashaydighan Uyghur, tibet, xongkong, teywen we xitay öktichilirining qattiq qarshiliqigha uchrighan bolup, 16-iyun küni adélayda, 17-iyun küni awstraliye paytexti kanbérrada keng-kölemlik birleshme namayish ötküzülgen.

Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
RFA/Hebibulla Izchi

Li chyangning bu qétimqi awstraliye ziyariti, xitay bir qism awstraliye mehsulatlirigha qoyghan tamozhna béjini bikar qilghanliqi we awstraliye puqralirigha wiza kechürüm qilin'ghanliqi munasiwiti bilen élip bérilghan. Bu heqte adélaydiki tengritagh Uyghur ayalliri birleshmisining re'isi ramile chanshéw xanim, xitay-awstraliye otturisidiki soda munasiwetliri üchün Uyghur we tibet xelqi uchrawatqan qirghinchiliqqa köz yumulmasliqi kéreklikini tekitlep, bu ikki künlük namayish heqqide tepsiliy melumat bérip ötti.

Xitay bash ministiri li chyangning awstraliye ziyaritige naraziliq bildürüsh namayishida xitay hökümitini yaqilighuchi xitay oqughuchi we awstraliyede yashaydighan xitaylar qarshi namayish qilmaqta. 2024-Yili 16-iyun, adéleyd, awstraliye.
Xitay bash ministiri li chyangning awstraliye ziyaritige naraziliq bildürüsh namayishida xitay hökümitini yaqilighuchi xitay oqughuchi we awstraliyede yashaydighan xitaylar qarshi namayish qilmaqta. 2024-Yili 16-iyun, adéleyd, awstraliye.
RFA/Hebibulla Izchi

Xitayning awstraliyediki elchixanisi we adélaydtiki konsulxanisi namayishchilarning awazini bésiqturush üchün, köp sandiki xitay oqughuchiliri we awstraliyede yashaydighan xitaylarni teshkillep ekelgen bolup, namayishchilar bilen xitaylar arisida qisqa bir sürkilüsh kélip chiqqan. Ramile xanimning éytishiche, neq meydandiki saqchilar derhal namayishchilar bilen xitayning yallanma namayishchilirini ayriwetken.

 

Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
RFA/Hebibulla Izchi

Bügün, yeni 17-iyun küni li chyangning awstraliyede daghdughiliq kütüwélish murasimigha qarshi awstraliye paytexti kanbérradimu keng kölemlik birleshme namayish dawam qilghan bolup, bu namayishtimu xitay elchixanisi we awstraliyediki xitay karxanichiliri 2-3 ming xitay oqughuchi we xitay köchmenlirini yallap daghdughiliq kütüwélishqa chiqarghan we namayishchilar bilen xitaylar arisida keskin sürkilish yüz bergen. Xitay namayishchilar Uyghur we bashqa namayishchilar sho'ar towlighanda qizil naxshilarni we sho'arlarni towlighan hem namayishchilarning bayraqlirini xitay qizil bayriqi bilen tosushqa urun'ghan. Axirida neq meydandiki saqchilar derhal heriketke kélip xitaygha qarshi namayishchilar bilen xitay hökümiti terepdarliri xitaylarning ornini ayriwetken. Bu heqte awstraliyediki sherqiy türkistan awstraliye jem'iyitining re'isi memet ubulmu tepsiliy melumatlarni radiyo anglighuchilar bilen ortaqlashti.

 

Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
Xitay bash ministiri li chyangning awstraliye ziyaritige naraziliq bildürüsh namayishidin körünüsh. 2024-Yili 16-iyun, adéleyd, awstraliye.
RFA/Hebibulla Izchi

 D u q ichki ishlar komitéti mudiri bextiyar böre ependining bildürüshiche؛ kanbérradiki namayish li chiyang parlamént binasigha kelgende bashlan'ghan bolup, namayishchilar parlamént binasi aldida namayish élip barghan. Namayishqa Uyghur, tibet, xongkongluqlardin bolup minggha yéqin kishi qatnashqan. Namayish jeryanida li chyangni qarshi élishqa chiqqan xitaylar til-haqaret we yolsiz usullar bilen tibet, Uyghur we xongkongluq namayishchilargha hujum qilmaqchi bolghan.

 

Xitay bash ministiri li chyangning awstraliye ziyaritige naraziliq bildürüsh namayishida xitay hökümitini yaqilighuchi xitay oqughuchi we awstraliyede yashaydighan xitaylar qarshi namayish qilmaqta. 2024-Yili 16-iyun, adéleyd, awstraliye.
Xitay bash ministiri li chyangning awstraliye ziyaritige naraziliq bildürüsh namayishida xitay hökümitini yaqilighuchi xitay oqughuchi we awstraliyede yashaydighan xitaylar qarshi namayish qilmaqta. 2024-Yili 16-iyun, adéleyd, awstraliye.
RFA/Hebibulla Izchi

Adélayd, kanbérra qatarliq sheherlerde élip bérilghan bu namayishlar yene, gu'ardiyan, roytérs, eljezire qatarliq axbarat wasitiliridimu xewer qilin'ghan, gu'ardiyan géziti bu qétimqi li chiyangning ziyaritini, “Awstraliye-xitay müshük éyiq diplomatiyesi” dep teripligen. Xitay bash ministiri li chiyangning bu ikki künlük ziyariti jeryanidiki naraziliqlar we namayishlar awstraliye metbu'atliridimu keng-kölemde xewer qilin'ghan bolup, Uyghur namayishchilar “Xitay irqiy qirghinchiliqni toxtat! sherqiy türkistan'gha azadliq! sherqiy türkistan'ghan musteqilliq! tibetke musteqilliq! shi jinping diktator! ” dégendek sho'arlarni towlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.