Америка дөләт мудапиә министири хитайға қарши "ишәнчлик тәһдит" бәрпа қилидиғанлиқини ейтти

Мухбиримиз мәмәтҗан җүмә
2021-03-14
Share
Америка дөләт мудапиә министири хитайға қарши Америка дөләт мудапиә министири лойд остин.
Social Media

13-Март асия сәпирини башлиған америка дөләт мудапиә министири лойд остин мәзкур сәпәр арқилиқ американиң асиядики иттипақдашлири билән болған һәрбий һәмкарлиқни күчәйтип, хитайға қарши "ишәнчлик тәһдит" бәрпа қилидиғанлиқини ейтти.

Лойд остин бу нөвәт японийә, корейә вә һиндистанда зиярәттә болидиған болуп, у сәпирини американиң һинди-тенч окян һәрбий қоманданлиқ штаби җайлашқан һавай штатидин башлиған.

Америка дөләт мудапиә министирлиқиниң бу һәқтики баянатиға қариғанда, у һавай штатиға қарап йолға чиққан айропиланда иттипақдашлиқ вә һәмкарлиқниң муһимлиқини тәкитлиди.

У мундақ деди: "хитай бизгә тиз сүрәттә күчийиватқан тәһдит. Бизниң мәқситимиз хитайға яки америка билән тутушмақчи болған һәрқандақ биригә қарши ишәнчлик тәһдит билән тәминлийәләйдиған иқтидар, мәшғулат пилани вә уқумлиримизниң болушиға капаләтлик қилиш."

Мәлум болушичә, дөләт мудапиә министири лойд остинниң токйо вә сеулға қилған сәпиригә ташқи ишлар министири антоний биллинкенму қатнишидикән.

Лойд остин бу һәқтә мундақ деди: "ташқи ишлар министири билән мән қилмақчи болған ишларниң бири иттипақдашлиқни күчәйтишкә башлаш."

Биллинкен 18-март президент җов байденниң дөләт бихәтәрлик мәслиһәтчиси җәйк сулливан билән бирликтә хитай компартийәси мәркизий комитети сиясий бюросиниң ташқи ишларға мәсул әзаси яң җйечи вә ташқи ишлар министири ваң йи билән аляска штатида көрүшиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт