Norwégiyediki Uyghurlar öz ana tilini saqlap qilishqa tirishmaqta

Ixtiyariy muxbirimiz haji qutluq qadiri
2016-01-20
Share
jumhuriyet-kuni-2012-norwegiye-385.jpg Ikki jumhuriyetni xatirilesh künide Uyghur ösmürler. 2012-Yili 12-noyabir, norwégiye.
RFA/Aygul Yusup

2012-Yili norwégiyede échilghan Uyghur ana til sinipi melum sewebler tüpeylidin bir mezgil toxtap qilip, norwégiye hökümitining iqtisadiy yardimi arqisida ötken yili 10-aydin bashlap oslo shehiridiki Uyghur islam medeniyet merkizide yene qaytidin resmiy ders bashlighan.

Bu heqte ziyaritimizni qobul qilghan ürümchi sheherlik 14-ottura mektepning sabiq oqutquchisi, norwégiye Uyghur komitétining re'isi, ma'aripchi néghmet tursun hajim Uyghur ana til sinipining yene qayta échilish heqqide toxtaldi.

Néghmet tursun hajimning éytishiche, nöwette mezkur sinipta 25 tin 30 gha qeder Uyghur ösmür öz ana tilidin etrapliq sawaq almaqta iken.

Oslodiki keng Uyghur jama'itining qizghin qollishi bilen élip bériliwatqan Uyghur ösmürlirining öz ana tilini öginish sinipida téxi yéqindila mezkur sinipining bir pesillik oqutush ishlirini xulasilesh yüzisidin oqughuchilarni mukapatlash pa'aliyiti élip bérilghan bolup, néghmet tursun hajim mezkur pa'aliyet heqqide qisqiche toxtilip ötti.

Mezkur pa'aliyetke qatnashqan Uyghur ösmürliridin biri bizge Uyghur tilida shé'ir déklamatsiye qilip berdi.

Oslodiki Uyghur ana tilini sinipigha oqushqa bérish pursitige muyesser bolalmaywatqan bashqa chet sheherlerdiki Uyghurlardin, a'iliside öz perzentlirining Uyghur tilidin toluq sawat chiqirishigha yardemde boluwatqan, özining kimlikini ashkarilashni xalimighan Uyghur anilardin biri özining bu heqtiki tesiratini bayan qildi.

Axirida néghmet tursun hajim Uyghur ana til sinipida her qaysi derslerdin xalisane sawaq bériwatqan pidakar oqutquchilarning aliyjanab rohi heqqide, shundaqla Uyghur jama'itining Uyghur ana til sinipining kelgüsi pilanliri toghrisida qisqiche toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.