«Әвладлар ара» паалийити уйғур яшлириниң әһмийәтлик соруни болди

Мухбиримиз ирадә
2015-06-08
Елхәт
Пикир
Share
Принт
«Әвладлар ара» паалийитини орунлаштурғучилар, халисанә ярдәм қилғучилар вә сөзгә тәклип қилинғучилар. 2015-Йили 7-июн, америка.
«Әвладлар ара» паалийитини орунлаштурғучилар, халисанә ярдәм қилғучилар вә сөзгә тәклип қилинғучилар. 2015-Йили 7-июн, америка.
RFA

6-Айниң 7-күни америкиниң пайтәхти вашингтонға йеқин виргинийә штатидики уйғур җамаитиниң тәшкиллиши билән уйғур яш әвладлирини йетәкләш, уларға илһам бериш мәқситидә «әвладлар ара» темисида бир әһмийәтлик паалийәт болуп өтти.

Паалийәттә, илим-пән саһәсидә бәлгилик нәтиҗиләрни қолға кәлтүрүп, һазир америкидики муһим орунларда хизмәт қиливатқан бир қисим яш алим-мутәхәссисләр өзлириниң тәҗрибилирини америкида өсүп-йетиливатқан вә америкиға пурсәт издәп кәлгән яш-өсмүрләр билән ортақлашти.

Америкиниң виргинийә штатида йәкшәнбә күни йәнә бир әһмийәтлик паалийәт болуп өтти. Виргинийә штатидики уйғур җамаити вә шундақла һәрқайси башқа штатларда яшаватқан вә өзиниң оқуш вә хизмитидә утуқ қазанған уйғурларниң қоллиши, ярдәм бериши билән «әвладлар ара» намлиқ паалийәтниң иккинчи нөвәтлики мувәппәқийәтлик ечилди. Америкида өсүп йетиливатқан, бу йәргә оқуш-хизмәт пурсити издәп кәлгән яш бир әвладларни йетәкләш, уларға йол көрситиш асаслиқ мәқсәт қилинған бу паалийәттә америкида һәрқайси кәсипләрдә оқуп мувәппәқийәт қазанған уйғурлар өзлириниң тәҗрибилирини яшлар билән ортақлашти. Йиғин башқурғучиси мутәллип әпәнди алди билән бу йиғинда сөз қилишқа тәклип қилинған меһманларни тонуштуруп өтти.

Йиғиндики сөз қилғучилар пенсилванийә штат университетидин доктор нуршидә полат, дора тәтқиқат идарисиниң тәтқиқатчиси доктор диларә җаппар, деверий университетидин доктор шаһназ қәмбири, америкидики чоң ширкәтләрдин бири болған гогул ширкитидин бәрна ибраһим, юмшақ детал инженери доктор айнур абдуразақ қатарлиқлардин ибарәт. Йиғинда йәнә, америка наса ширкитиниң тәтқиқатчиси әркин сидиқ әпәнди, америка дора тәтқиқат бирләшмә идариси рак кесәлликлири тәтқиқат бөлүми йетәкчиси ришат аббас вә шундақла америкидики чеврон ширкитиниң техника өзләштүрүш йетәкчиси шакир шәмси әпәндиләрму алаһидә сөз қилғучилар қатарида қәдәм тәшрип қилди.

Мутәллип әпәнди йиғинниң мәқситини қисқичә тонуштуруп өтти. Йиғинниң ечилиш нутқини доктор ришат аббас әпәнди қилди.

Бу қетимқи йиғинға америкидики даңлиқ иҗтимаий алақә тор бети фейисбукта юмшақ детал енжинири болуп ишләватқан уйғур қизи дилрәба ибраһимму тәклип қилинған. Бирақ у хизмәттики орунлаштуруш мунасивити билән нәқ мәйданға келәлмәй қалған болсиму әмма тор арқилиқ нәқ мәйданға улинип сөз қилип, йиғинда тунҗи болуп сөз қилди. У өзиниң америкиға ата-аниси билән келип, оқуп, қандақ қилип һазир фейисбуктин ибарәт дуняға даңлиқ бир ширкәттә ишләватқанлиқидин ибарәт оқуш, өгиниш, хизмәт йоллирини тонуштуруп өтти һәм шундақла йеңи кәлгән яшларни тиришип оқушқа үндиди. Арқидин юқирида исми аталған йиғин қатнашқучилири бир-бирләп сәһинигә чиқип, өзлириниңму мушуниңдәк тәҗрибилирини ортақлишип өтти. Доригәрлик доктори диларә җаппар уйғур яшлириға пурсәт берилгән тәқдирдә уларниңму һечкимдин қелишмайдиғанлиқини тәкитлиди. У шундақла йәнә һәммәйләнниң ортақ күч чиқирип, уйғур җамаити үчүн күч чиқириши керәкликини билдүрди.

Йиғин давамида, доктор айнур абдуразақ, нуршидә полат, шаһназ қәмбириләрму бир-бирләп сөз қилип, өзлириниң оқуш-хизмәт тәҗрибилирини тонуштуруп өтти.

Йиғинниң иккинчи бөлүми әркин соал-җаваб қисми башлаштин бурун америка шеврон ширкитиниң техника өзләштүрүш йетәкчиси шакир шәмси әпәнди «америкида игилик тикләш» темисида аңлиғучиларға мәлумат берип өтти. У америкида бир қиммәт яритиш, игилик тикләш үчүн һазирлашқа тегишлик шәртләрни тонуштурди, у һәм америкида яшаватқан уйғур җамаити үчүн игилик тикләшниң интайин муһим әһмийәткә игә икәнликини әскәртти.

Соал-җаваб қисми башлиғандин кейин йиғинға кәлгән алим-мутәхәссисләр яшларниң кәсип таллаш, мәктәпләргә илтимас қилиш һәм шундақла уйғур җамаити вә уйғур миллити үчүн қандақ хизмәт қилиш, уйғур кимлики билән америкилиқ дегән кимлик оттурисидики тәңпуңлуқни қандақ тепиш қатарлиқ мәсилиләр үстидә сориған соаллириға җаваб берип өтти. яшлар һәммиси өзиниң оқуш-турмуш җәһәткә мунасивәтлик соаллирини юқирида олтурған ака-һәдилиридин сорап, уларниң мәслиһәтини алди. Йиғинға кәлгән бир яш уйғур қизи өзиниң бу йиғинда алған тәсиратлирини биз билән ортақлашти.

Йиғинниң ахирида паалийәт тәшкиллигүчилиридин бири болған дилмурат әпәнди йепилиш нутқини қилип кәлгән барлиқ меһманларға тәшәккүрини билдүрди.

Пикирләр (0)
Share
Толуқ бәт