10-Нөвәтлик «дуня шәрқий түркистанлиқлар қериндашлиқ учиришиш» йиғини ечилиду

Ихтияри мухбиримиз арслан таш
2018-07-20
Елхәт
Пикир
Share
Принт
Бу қетим өткүзүлмәкчи болған қериндашлар учришиш йиғининиң елани
Бу қетим өткүзүлмәкчи болған қериндашлар учришиш йиғининиң елани
RFA/Arslan

Шәрқий түркистан маарип вә һәмкарлиқ җәмийитиниң уюштуруши билән һәр йили бир қетим өткүзүлүп келиватқан, «дуня шәрқий түркистанлиқлар қериндашлиқ учришиши» йиғининиң 10 - нөвәтлики бу йил 7 - айниң 22 - күнидин 26 - күнигичә истанбулда өткүзүлидикән. Бу қетимқи йиғинға «шәрқий түркистан миллий бирлик  шураси» дәп нам берилгән болуп, бу йиғинда асаслиқи «шәрқий түркистан хәлқи хәлқи нөвәттә дүч келиватқан мәсилиләр», «хитайниң ассимилятсийә сияситиниң арқа көрүнүши», «шәрқий түркистан истратегийәси», «шәрқий түркистан тәшкилатларниң өзгәрмәс пиринсиплири», «ортақ һәрикәт қилиш вә чүшәнчә һасил қилиш», «кәлгүси иш пиланлири», «чиқиш йол хәритиси вә чарә - тәдбирлири» тоғрисида илмий мақалилар оқулидикән, бәс муназирә һәм музакирә елип берилидикән.

Бу учришиш йиғиниға, америка, явропа әллири, оттура асия вә оттура шәрқ дөләтлиридә яшаватқан уйғур паалийәтчиләр, уйғур тәшкилат рәһбәрлири, тәтқиқатчилар, доктур, профессорлар, тәтқиқатчилар, дини алимлар вә зиялийлар тәклип қилинған.

Йиғинниң тәйярлиқ басқучи мунасивити билән 7 - айниң 20- күни шәрқий түркистан маарип вә һәмкарлиқ җәмийитиниң идарә һәйәт рәһбәрлири бир йиғин ечип, 10 - нөвәтлик дуня шәрқий түркистанлиқлар қериндашлиқ учришиш йиғинниң тәйярлиқ басқучлирини көздин кәчүрди вә йиғинниң мувәппәқийәтлик өткүзүлүши үчүн, йиғин тәртиплири, аманлиқ тәдбирлири, меһманларни күтүш вә орунлаштуруш қатарлиқ муһим ноқтилар тоғрисида музакирә елип барди.

Шәрқий түркистан маарип вә һәмкарлиқ җәмийитиниң рәиси һидайәтулла оғузханниң билдүрүшичә, 5 күн давам қилидиған бу йиғин, 7- айниң 22- күни йәкшәнбә саәт 10:00 - 14:00 ариси истанбулниң фатиһ районидики әли амири күлтүр вә сәнәт мәркизи йиғин залида ечилиш мурасими билән башлинидикән.

Һидайәтулла оғузханниң билдүрүшичә бу қетимқи йиғинда, «миллий кимлик вә миллий бирликниң әһмийити», «хитайниң шәрқий түркситанда йүргүзиватқан сияситиниң арқа көрүнүши», «уйғур тил вә мәдәнийитиниң шәрқий түркистан давасидики орни» қатарлиқ 10 темида мутәхәсисләр сөз қилидикән вә бәс - муназирә елип берилидикән.

Биз бу йиғинниң ечлиштики мәқсити вә әһмийити тоғрисида толуқ мәлуматқа еришиш үчүн, шәрқий түркистан маарип вә һәмкарлиқ җәмийитиниң рәиси һидайәтулла оғузхан билән сөһбәт елип бардуқ.

Биз йәнә бу йиғин тоғрисида пикир - қарашлирини елиш үчүн авустиралийәдин бу йиғинға қатнишиш үчүн  кәлгән  диний әрбаб  абдусалам алим билән сөһбәт елип бардуқ.

Абдусалам алим бу йиғинниң әһмийити тоғрисида тохталди.

Пикирләр (0)
Share
Толуқ бәт