Yawropadiki Uyghur ösmürler shiwétsiyediki dala pa'aliyitige qatnashti

Ixtiyariy muxbirimiz éhsan
2016-05-23
Élxet
Pikir
Share
Print
Yawropadiki sherqi türkistanliq ösmürler dala pa'aliyitide orunlashturulghan, sherqiy türkistanning ay yultuzluq kök bayriqini chiqirish murasimidin körünüsh. 2015-Yili may, shiwétsiye.
Yawropadiki sherqi türkistanliq ösmürler dala pa'aliyitide orunlashturulghan, sherqiy türkistanning ay yultuzluq kök bayriqini chiqirish murasimidin körünüsh. 2015-Yili may, shiwétsiye.
RFA/Éhsan

Yawropada yashawatqan Uyghur ösmürler dala pa'aliyitining 2-qétimliqi shiwétsiyening golagordun sayahet rayonida 20-may küni resmiy bashlandi.

Bu qétimliq pa'aliyetni shiwétsiye Uyghur ma'arip uyushmisi, gollandiye yawropa sherqiy türkistan ma'arip jem'iyiti, finlandiye Uyghur medeniyet merkizi, norwégiye Uyghur komitéti qatarliq teshkilatlar birlikte hemkarliship orunlashturghan.

Bu qétimliq dala pa'aliyiti 20 - maydin 22 - mayghiche élip bérilghan bolup, bu qétimliq pa'aliyetke töt dölettin 50 ke yéqin yéshi 10yashtin 18yashqiche bolghan oghul-qiz ösmürler qatnashqan.

Bu nöwetlik ösmürler dala pa'aliyitide musulmanlar we exlaq, teshwiqat we uchurning roli, Uyghurlar ichidiki meshhur shexsler, intérnét we hayat, Uyghurlarning tarixta qurulghan döletliri, qur'an we pen -téxnika dégen mezmunlarda léksiye orunlashturush bilen birge, her xil shekildiki oyun xaraktérlik tenterbiye pa'aliyetliri élip bérilghan.

Pa'aliyet bashlinishtin burun sayahet rayonidiki bayraq chiqirish xadisigha yighin qatnashquchilirining qatnishishi bilen sherqiy türkistan dölet bayriqi chiqirish murasimi ötküzülgen.

Biz bu pa'aliyet heqqide tepsiliy melumat élish üchün pa'aliyetni orunlashturghan Uyghur ma'arip uyushmisining re'isi abdulla ehetni ziyaret qilduq.

Pa'aliyetke qatniship kéliwatqan finlandiye Uyghur medeniyet merkizi re'isi muhemmet'eli qarim pa'aliyet heqqide toxtaldi.

Gollandiye yawropa sherqiy türkistan ma'arip jem'iyiti teshwiqat mudiri hüsenjan tejelli özi sözligen liksiyening ehmiyitini anglatti.

Norwégiye Uyghur komitétining re'isi nighmet tursun bu qétimliq pa'aliyetning ghelibilik bolghanliqini hemde pa'aliyettin memnun bolghanliqini bildürdi.

Pa'aliyet 22-may küni chüshtin kéyin ghelibilik tamamlinip, her qaysi dölettin kelgen ösmürler bir-biri bilen köz yashliri bilen xoshlashti.

Toluq bet