Yawropadiki sherqiy türkistanliq ösmürler dala pa'aliyiti ghelibilik axirlashti

Shiwétsiyening katérinxolm arilida 15-maydin 17-mayghiche 3 kün dawamlashqan “Yawropa sherqiy türkistanliq ösmürler dala pa'aliyiti”, 17-may yekshenbe küni ghelibilik axirlashti.

Bu üch künlük pa'aliyette ösmürlerge mas halette teyyarlan'ghan liksiyeler we léksiye mezmunigha da'ir munaziriler élip bérildi.

Liksyedin sirt ösmürler her xil shekildiki arghamcha tartish, putbol, walibol, pey top qatarliq tenterbiye pa'aliyetlirige aktip qatnashti.

Teklip bilen liksye bergüchilerdin merhüm küresh kösen ependining ayali bextinisa xanim özining dala pa'aliyitide sözligen liksyesini xulasilep we ösmürlerdin kütidighan tileklirini ipadilidi.

Bu pa'aliyetke hemkarlashquchi teshkilatlardin finlandiye Uyghur medeniyet merkizi re'isi doktor muhemmed éli qarim özining pa'aliyet jeryanidiki tesirati we pa'aliyetning ehmiyiti heqqidiki qarishini bayan qildi.

Gollandiye yawropa sherqiy türkistan ma'arip jem'iyiti re'isi iysa qarim osmuler üchün qilin'ghan bu pa'aliyetning muhimliqi heqqide toxtaldi we muhajirettiki Uyghurlardin kütidighan ümidini otturigha qoydi.

Pa'aliyetke shiwétsiye, finlandiyedin qatnashqan ösmürler özining tesiratini izhar qildi.