“сидней уйғур ана тил мәктипи” оқутқучиси штат бойичә илғар оқутқучи болуп баһаланди

Мухбиримиз җүмә
2014-06-28
Share
awstraliye-sidney-ana-til-mektep-305.png “сидней уйғур ана тил мәктипи” оқуғучилири
RFA


28 - Июн австралийәдики “сидней уйғур ана тил мәктипи” оқутқучиси штат бойичә илғар оқутқучи болуп баһалинип мукапатланди.

Мәзкур мукапат үчүн баһалаш һәр йили бир қетим австралийә йеңи җәнубий валес штатида оқутуш билән шуғуллиниватқан ана тил мәктәплири ара өткүзүлидиған болуп, бу йиллиқ баһалашқа 250 мәктәп қатнашқан.

Баһалашта бу 250 ана тил мәктипи ичидин 10 илғар оқутқучи таллап чиқилған. Нәтиҗидә “сидней уйғур ана тил мәктипи” оқутқучиси иляс қасим әла баһалинип, шу он нәпәр илғар оқутқучи сепидин орун алған.

Мукапатлаш мурасимиға штат башлиқи алаһидә қатнашқан вә мукапатни өз қоли билән тарқатқан.

“сидней уйғур ана тил мәктипи” қурулған бир нәччә йилдин буян һәр хил иссиқ - соғуқларни бешидин кәчүргән иди.

Мәзкур мәктәпниң шунчә көп мәктәп ичидә алаһидә тилға елиниши вә бир оқутқучисиниң илғар болуп баһалиниши мәктәпкә әҗир сиңдүргән шәхсләр вә ата - аниларни сөйүндүргән.

Иляс қасим әсли үрүмчи 14 - оттура мәктәп оқутқучиси болуп, нөвәттә сиднейда докторлуқ унвани үчүн елим тәһсил қиливатқан икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт