Түркийә һөкүмити: оқуш мукапатиға йилда үч қетим илтимас қилишқа болиду

Ихтиярий мухбиримиз әркин тарим
2018-01-11
Share
turkiye-oqush-mukapat.jpg https://www.turkiyeburslari.gov.tr Тор сәһиписидә елан қилинған уқтуруштин сүрәткә елинған. 2018-Йили 11-январ.
turkiyeburslari.gov.tr

Түркийә баш министирлиқиға қарашлиқ ташқи түркләр вә қериндаш милләтләр идариси түркийәдә оқуш мукапати елиш үчүн бундин кейин йилда үч қетим илтимаси қобул қилидиғанлиқини уқтурди.

Мәзкур идариниң https://www.turkiyeburslari.gov.tr Тор сәһиписидә елан қилинған уқтурушқа асасланғанда, бәзи дөләтләрдики оқу-оқутуш мәвсумлириниң бурун ахирлишишидәк әһвал көздә тутулуп, түркийә оқуш мукапатиға илтимас қилғучиларни сақлатмаслиқ үчүн, оқуш мукапати илтимаси йилда үч қетимға көпәйтилгән.

  1. Қетимлиқ түркийә оқуш мукапати илтимаси 2017-йили 30-өктәбирдин 30-ноябирғичә, илтимасларниң нәтиҗисини елан қилиш вақти болса 2018-йили 1-айниң 15-күни икән.
  2. Қетимлиқ түркийә оқуш мукапати илтимас қобул қилиш вақти 2018-йили 5-февралдин 5-мартқичә болуп, илтимас нәтиҗиси 15-май күни елан қилинидикән.
  3. Қетимлиқ түркийә оқуш мукапати илтимасини қобул қилиш вақти, 2018-йили 16-апрелдин 14-майғичә болуп, илтимас нәтиҗиси 24-июл күни елан қилинидикән.


Юқиридикиси омумий уқтуруш болуп, хитай паспортлуқ уйғурларму илтимас қилса болидикән. Уйғур оқуғучиларниң магистир вә докторлуқ үчүн оқушқа илтимас қилиш вақти иккинчи қетимлиқ илтимас вақти болуп, улар бу йил 5 февралдин 5-мартқичә илтимас қилса болидикән.

Алий мәктәпләрниң толуқ курси үчүн илтимас вақти 3-қетимлиқи болуп, 16-апрелдин 14-майғичә илтимас қилса болидикән.

Илтимас қилмақчи болған уйғур оқуғучи намзатлар юқирида дейилгән түркийә оқуш мукапатиға илтимас қилиш башланған вақитларда https://www.turkiyeburslari.gov.tr Тори бетидә тәләп қилинған материялларни тәйярлап биваситә илтимас қилса болидикән.

Биз игилигән мәлуматларға асасланғанда, өткән йили 5-айдин башлап хитай түркийәдә диний илимләр кәспидә оқуватқан оқуғучилар билән мисирда оқуватқан оқуғучиларниң юртиға қайтишини тәләп қилған, шундақла паспорт беришниму тохтатқан. Улар бу йил илтимас қилаламду? исмини ашкарилашни халимиған түркийә ташқи түркләр вә қериндаш милләтләр идарисиниң бу ишқа мәсул хадимлиридин бири, уйғурлар илтимас қилса болидиғанлиқини, әмма хитайдин паспорт елишиға арилашмайдиғанлиқини баян қилди.

Истанбулдики уйғур академийәсиниң муавин рәиси дохтур әхмәтҗан полат әпәнди түркийә баш министирлиқ тармиқидики ташқи түркләр вә қериндаш милләтләр идарисиниң 2012-йилидин тартип оқуш мукапати бериватқанлиқини, у, йили 150 уйғур оқуғучи қобул қилинған болсиму, кейинки йилларда барғансери азийип маңғанлиқини баян қилғандин кейин буниң сәвәблири һәққидә тохталди.

Дохтур әхмәт полат әпәнди һазир уйғур дияриниң вәзийитиниң еғир икәнликини, талланған оқуғучиларниң түркийәгә келиш еһтималиниң төвән икәнликини, шуңа түркийәниң бу сияситидин чәтәлләрдики уйғурларниң бәһримән болуши керәкликини баян қилди.

Мәркизи түркийәниң истанбул шәһиридә турушлуқ уйғур академийәси 2009-йили қурулған күнидин тартип түркийәдә оқушни халайдиған уйғурларға ярдәм қилип кәлмәктә. Дохтур әхмәт полат әпәнди түркийә оқуш мукапат пулиға илтимас қилидиған уйғурлар өзлири билән алақиләшсә йол көрситидиғанлиқини тәкитлиди.

Түркийә узун йиллардин бери, болупму 1980-йиллардин кейин уйғурлар әң көп келип оқуватқан дөләтләрдин бири һесаблиниду. Уйғур дияридики уйғурларниң түркийәгә келип оқуш йолиниң тосулмаслиқи үчүн немә қилиш керәк ?дәп сориғинимизда, түркийә истратегийәлик чүшәнчиләр институти мутәхәссиси доктор әркин әкрәм әпәнди өз қаришини билдүрди.

Қиммәтлик радио аңлиғучилар 2017-йилида 163 дөләттин 107 миң оқуғучи намзати илтимас сунған болуп, 8500 әтрапида намзат университетларға орунлаштурулған. Буларниң ичидә 40 оқуғучи уйғур дияридин кәлгән икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.