“Uyghur rehberlerni insan heqliri we démokratiye boyiche terbiyilesh programmisi” (kursi)ni washin'gtonda ötküzüsh qarar qilindi

Chet'ellerdiki Uyghur milliy herikitining aliy merkizi bolghan dunya Uyghur qurultiyi 2007-yilidin buyan Uyghur rehberlirini “Démokratiye, kishilik hoquq, xelq'ara qanun boyiche terbiyilesh programmisi” ni yolgha qoyup herqaysi döletlerde pa'aliyet élip bériwatqan sherqiy türkistan teshkilatlirining we siyasiy pa'aliyetchilerning kesiplishish sewiyisini yuqiri kötürüsh, ularning xelq'ara qanun, démokratiye, insan heqliri saheliri boyiche chüshenchilirini chongqurlashturush terbiyilirini élip bérishni dawamlashturup kelmekte.

Dunya Uyghur qurultiyining 2-mart élan qilishiche, d u q 10-nöwetlik terbiyilesh programmisi (kursi)ni 2015-yili 5-ayning 6-künidin 8-künigiche pütünley Uyghur yashlirini asas qilghan halda washin'gtonda ötküzüshni qarar qilghan. Kursqa tizimlash ishliri resmiy bashlan'ghan bolup, kursining échilish murasimi 5-ayning 6-küni amérika dölet mejliside ötküzülidiken.

Biz dunya Uyghur qurultiyining bu programma(kurs)ini orunlashturushtiki meqsiti we uning öz ichige alghan mezmunliri hemde qatnishish shertliri heqqide tepsiliy melumat élish üchün dunya Uyghur qurultiyining ijra'iye komitét mudiri dolqun eysa ependini ziyaret qilduq.

Awaz ulinishi arqiliq muxbirimizning dolqun eysa ependi bilen ötküzgen söhbitini anglighaysiler.