Gumida "Qosh til" oqutushida ünüm yaritalmighan oqutquchilar "Kolléktip küresh" ke tartilidiken

Muxbirimiz qutlan
2016-01-14
Share
qosh-til-oqughuchilar-305.jpg Xoten qosh til mektipidiki oqughuchilar. 2006-Yili 13-öktebir.
AFP

Eng yéngi uchurlardin melum bolushiche, da'iriler Uyghur élining jenub we shimalida "Qosh tilliq ma'arip" namini suyi'istémal qilghan, emeliyette xitay tilidin ibaret yekke tilliq oqutushqa merkezleshken ma'arip sistémisini téz sür'et bilen omumlashturuwatqanliqi melum.

Bügün xotenning guma nahiyesige qarashliq "Qosh tilliq ma'arip" boyiche melum ülgilik bashlan'ghuch mektepning ismini ashkarilashni xalimaydighan xitay tili oqutquchisi radi'omiz ziyaritini qobul qildi.

Uning bildürüshiche, 640 neper Uyghur oqughuchi oquydighan bu bashlan'ghuch mektepte siniplar yilliqlar boyiche "Kücheytish sinipi", "Qosh tilliq sinip" we "Adettiki sinip" dep üch türkümge bölinidiken.

"Kücheytish sinipi" da oquydighan Uyghur oqughuchilar pütünley xitay tilida oqutulidiken. Ularning ders ariliqida bir éghizmu Uyghurche gep-söz qilishigha yol qoyulmaydiken. Bu sinipqa derske kiridighan oqutquchilarning hemmisi dégüdek "Qosh tilliq oqutush" boyiche terbiyelen'gen yash oqutquchilar iken. Eger ular oqughuchilarning netijisini mektep belgiligen ölchemge (pirsent boyiche) yetküzelmise mewsum axirida "Kolléktip pipen (küresh qilish) yighini" échilip, qattiq tenqid we jerimanige uchraydiken.

Biz xotendiki milliy ma'arip saheside körülüwatqan bu paji'ening Uyghur élining bashqa jayliridimu bar ‏- yoqluqini bilip béqish üchün xotendin ikki ming nechche kilométir yiraqliqtiki aratürk nahiyesige téléfon qilduq.

Aratürk nahiyesining melum yézisidiki ma'aripqa mes'ul bir mu'awin yéza bashliqi ziyaritimizni qobul qilip, aratürk nahiyesi teweside "Qosh tilliq ma'arip" ning toluq omumliship bolghanliqini, noqul Uyghur tilida ders ötülidighan birmu mektepning qalmighanliqini bildürdi.

Tepsilatini awaz ulinishtin anglighaysiz.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.