Хитайниң “тор террорчилиқи” ға зәрбә бериш чақириқиға муһаҗирәттики уйғурлар охшимиған инкас қайтурди

Ихтиярий мухбиримиз пидаий
2014.12.03
uyghurda-internet.jpg Торханидики вейбо (вәибо) қатарлиқ блоглардин пайдилинип учур тарқатқучилар. 2011-Йили 16-январ, қумул.
AFP

Йеқинда хитайда ечилған дуня интернет йиғинида “тор террорчилиқи” ға ортақ зәрбә бериш чақириқиниң елан қилиниши билән муһаҗирәттики уйғур көзәткүчилири охшимиған инкасларда болди. Җүмлидин голландийәдә яшаватқан диний зиялий һүсәйин тәҗәлли әпәнди, хитайларниң мәзкур тәшвиқатиға қарита:“бу ишта хитай һәм йәмчүк салди һәм езиқтуруш һийлиси ишләтти” дәп қарайдиғанлиқини билдүрди.

Униң қаришичә, хитай аталмиш “тор террорчилиқи” ға қарши турушқа чақириқ қилғучи болуп көрүнгән болсиму, өзигә зиян қилмайдиғанла болса, хәлқарадики һәрқандақ бир дөләт үстидин елип берилған шикайәтләргә йол қоюп кәлгән.

У, бу арқилиқ бир қисим кишиләрниң зулумға қарши туруш нишанини буриветиш билән биргә, “өзигә хәвп елип келиш еһтималлиқи болғанлар” ға йәмчүк селиш мәқситигә йәтмәкчи болған.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.