Maysem mutellipowa: "Uyghurlar bir-birimizge ige chiqayli"

Muxbirimiz nur'iman
2021-04-02
Share
maya-maysem-mitalipova.jpg Masachusséts téxnologiye instituti (MIT) qarmiqidiki ghol hüjeyre merkizining diréktori doktor maysem mutellipowa xanim.
RFA/Eziz

"Bügünki amérika" (USA TODAY) xewer tori 2-april küni "Bostonluq ayalning dosti yoqap ketti, shuningdin kéyin u xitayning 'irqiy qirghinchiliqi' gha diqqet tartishni özining wezipisi qildi" serlewhilik maqale élan qilghan. Bu ayal del bostondiki masachusséts téxnologiye uniwérsitétining tetqiqatchisi, boston Uyghur uyushmisining re'isi, Uyghur alime maysem mutellipowa xanimdur.

Maysem mutellipowa xanimning bildürüshiche, uning dosti imamjan ibrahim 2014-yili ürümchige qaytip ketken we 2017-yili tutqun qilinip lagérgha qamalghanliqi ashkarilan'ghan.

Imamjan ibrahim heqqide radiyomizning igellishiche, u 1985-yili qeshqer shehiride tughulghan. 2004-Yildin 2009-yil 7-ayghiche shinjang tébbiy uniwérsitétining dorigerlik kespide oqup baklawurluq unwani alghan. 2010-Yili 6-aydin 2011-yili 12-aygha qeder tokyo méditsina uniwérsitéti doxturxanisining yürek késelliri bölümide ziyaretchi ilmiy xadim bolup bilim ashurghan. 2012-Yilidin 2014-yiligha qeder amérikaning boston shehiride oqush we tetqiqat xizmiti bilen shoghullan'ghan. Bu jeryanda u bostondiki "Bét isra'il tébbiy merkizi" de bir mezgil ishligen.

Maysem mutellipowa xanim 2017-yili etiyaz mezgilide imamjan ibrahimdin tuyuqsiz téléfon tapshurup alghan. Imamjan téléfunda özining pasportining tartiwélinighanliqni éytqan we téléfun üzülüp qalghan. Shuningdin kéyin imamjan iz-déreksiz ghayib bolghan.

Maysem xanimning éytishiche, imamjan tolimu tirishchan, aqköngül, istiqballiq yash iken. Uning xitay hökümiti Uyghurlargha yürgüzüwatqan "Irqiy qirghinchliq" siyasitining qurbani bolup kétishidin ensireydiken.

Maysem xanim söhbet jeryanida Uyghurlarning bir-birsige ige chiqishining zörürlükini qayta-qayta tekitlidi.

Programimizning tepsilatini töwende maysem mutellipowa xanim bilen ötküzgen söhbitimizdin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet