Sitokholmda "Mehbuslar sadasi: sikandinawiye erkinlik yürüshi" daghdughiliq ötküzülgen

Ixtiyariy muxbirimiz ekrem
2019-04-29
Élxet
Pikir
Share
Print
Shiwétsiye paytexti sitokholm shehiride ötküzülgen kölimi zor bolghan "Mehbuslar sadasi: sikandinawiye erkinlik yürüshi" namliq pa'aliyettin körünüsh. 2019-Yili 28-aprél, shiwetsiye.
Shiwétsiye paytexti sitokholm shehiride ötküzülgen kölimi zor bolghan "Mehbuslar sadasi: sikandinawiye erkinlik yürüshi" namliq pa'aliyettin körünüsh. 2019-Yili 28-aprél, shiwetsiye.
RFA/Ekrem

28-Aprél shiwétsiye paytexti sitokholm shehiride kölimi zor bolghan "Mehbuslar sadasi: sikandinawiye erkinlik yürüshi" namliq pa'aliyet ötküzülgen.

Shiwétsiye Uyghur ma'arip uyushmisi, norwégiye Uyghur komitéti we bashqa türk teshkilatliri, kishilik hoquq organlirining teshkillishi shundaqla hemkarlishishi bilen 28-aprél küni shiwétsiye paytexti sitokholm shehiride xitayning jaza lagérliri siyasitige qarshi keng kölemlik namayish élip bérilghan. Namayish sherqiy türkistanning istiqlal marshi bilen bashlan'ghan.

Bu namayishqa shiwétsiye, norwégiye, finlandiye qatarliq sikandinawiye yérim arili döletliride yashawatqan Uyghurlar hemde gollandiyedin kelgen Uyghurlar we türkler, yerlik kishilik hoquq teshkilatliri xadimliri bolup köp sanda kishiler ishtirak qilghan.

Shiwétsiye Uyghur ma'arip uyushmisining rehberliridin abdullah kökyar ependi neq meydandin ziyaritimizni qobul qilghanda bu qétimqi namayishning meqsitini "Jaza lagérlirigha qamalghan milyonlighan Uyghurning awazini dunyagha anglitish," dédi. U sözide Uyghur millitini nöwettiki xitay zulumidin ümidsizlenmeslikke, küreshlirini dawamlashturushqa chaqirdi.

Norwégiye Uyghur komitétining re'isi bextiyar ependi neq meydandin melumat bérip, bu qétimqi namayishning kölimi we tesirining zor bolghanliqini tilgha aldi. Uning bildürüshiche, 2-nöwetlik "Mehbuslar sadasi: sikandinawiye erkinlik yürüshi" 5-ayning 4-küni norwégiye paytexti oslo shehiride ötküzülidiken.

Namayishqa d u q ning bayanatchisi dilshat réshit ependimu qatnashqan bolup, u bu qétimqi namayishning yene bir meqsitining "Dunyaning diqqitini sherqiy türkistan'gha merkezleshtürüsh, sikandinawiye döletlirining xitay bilen bolghan diplomatik we iqtisadiy munasiwetlerde Uyghurlar mesilisini otturigha qoyushigha türtke bolush" ikenlikini bayan qildi.

Namayish ishtirakchiliri teminligen sin körünüshlirige asaslan'ghanda, namayishchilar sitokholm kochilirida uzun sep bolup xitaygha qarshi jarangliq sho'arlar towlap mangghan. Ular "Xitay térrorist, shi jinping térrorist! Uyghurlargha erkinlik! sherqiy türkistan'gha musteqilliq!" dégendek sho'arlar sitokholm kochilirini lerzige salghan.

Bu namayishqa qatnashqan shiwétsiyediki Uyghur ziyaliyliridin mir'adil ependi namayishchilarning jaza lagérliri mesilisini shiwétsiye xelqige bildürüsh meqsitige yetkenlikini tilgha aldi. U sözide namayishning padishahliq baghchidin bashlinip 2-dunya urushidiki natsistlarning jaza lagérlirining simwoli bolghan bir jayda axirlashqanliqini eskertti.

Toluq bet