Merwayit hapiz xanim "Konkordiye munbiri" yighinida Uyghurlarning nöwettiki éghir ehwalini tonushturghan

Ixtiyariy muxbirimiz erkin tarim
2021-09-13
Share
Merwayit hapiz xanim Yawropadiki Uyghur ressam merwayit hapiz xanim portugaliye paytexti lisbon shehiride ötküzülgen "Konkordiye munbiri yighini" gha teklip boyiche qatnashqan. 2021-Yili 9-séntebir. Lisbon, portugaliye.
Social Media

Yawropadiki Uyghur ressam merwayit hapiz xanim portigaliye paytexti lisbon shehiride ötküzülgen "Konkordiye munbiri yighini" gha teklip boyiche qatnashqan. 9-Ayning 9-künidin 12-künigiche ötküzülgen mezkur yighin'gha amérika, kanada we yawropa döletliride turuwatqan her sahede muwappeqiyetlik bolghan musulmanlar teklip qilin'ghan bolup, Uyghurlargha wakaliten öz kespide közge körün'gen ressam merwayit hapiz xanim teklip boyiche qatnashqan. Uning bildürüshiche, yighinda Uyghurlarning hazirqi éghir weziyiti toghrisidimu muzakire élip bérilghan.

Merwayit-Hapiz-The-Concordia-Forum -20210-02.jpg

Bu heqte ziyaritimizni qobul qilghan merwayit hapiz xanim mundaq dédi: "Men portigaliyening lisbon shehridin hemminglergha salam yollaymen. Lisbon shehridiki 1400-yili sélin'ghan eng chong chérkawni merkez qilghan tarixiy zalda 'konkordiye munbiri' namida yighin ötküzüldi. Bu munber 2009-yili qurulghan iken. Bu yer shari xaraktérliq bir qurulush bolup, bu yighin'gha her sahede muweppeqiyet qazan'ghan musulmanlar serxilar, 'qandaq qilghanda musulmanlar dunyasini eng yaxshi shekilde tereqqiy qilduralaymiz?' dégen témini asas qilghan halda musulman dunyasidiki mewjut mesililer toghrisida muzakire élip baridiken."

Merwayit hapiz xanim bu qétimqi yighin'gha her sahe we her kesplerde muweppeqiyet qazan'ghan90 neper musulman serxilning qatnashqanliqini, Uyghurlargha wakaliten özining ishtirak qilghanliqini bayan qilip, mundaq dédi: "Bu 13-qétimliq yighin iken. Bu qétimliq yighin'gha dunyaning her qaysi jaylirida yashawatqan 90 neperdek serxil teklip qiliniptu. Bularning ichide beshimiz sen'etkar ikenmiz. Men bu yighin'gha sen'etkarliq salahiyitim bilen teklip qilindim. Her sahedin kishiler bar iken. Mesilen, siyasetchiler, karxanichilar, iqtisadshunaslar we yazghuchilar bar iken. Qisqisi, her qaysi sahelerde jem'iyetke özini qobul qildurghan, qabiliyetlik, iqtisasliq kishiler bar iken. Bu munberde nuqtiliq halda musulmanlarning mesililiri muzakire qilinip, bularni hel qilishning yolliri muhakime qilinidiken. Bular Uyghurlargha yardem qilishni xalaydiken, emma Uyghur mesilisini yaxshi chüshenmeydiken. Shunga men bu munberde Uyghurlarning hazirqi éghir weziyitining, bolupmu jaza lagérliri mesilisining tonushturulushini nahayiti muhim dep oylidim."

1996-Yilidin tartip gérmaniyede yashawatqan, her qaysi döletlerde köp qétim resim körgezmisi achqan ressam merwayit hapir bu qétim portugaliyediki yighinda Uyghurlarning nöwettiki éghir weziyiti bilen özining wetendiki a'ilisi duch kelgen paji'elerni anglatqan. U özining qumulda oqutquchiliq qiliwatqan inisi batur hapiz bilen uning ayali gülsüm'ay baturning 2018-yilining axiri tutqun qilin'ghanliqi, inisining 15 yilliq, uning ayalining 7 yilliq késilip ketkenlikini bayan qilghan. Merwayit hapiz xanim bu heqte bizge tepsiliy melumat berdi.

"Konkordiye munbiri" ge amérika qoshma shitatliridin kélip qatnashqan türk ayal ressam fahriye xanim ziyaritimizni qobul qilip, bu yighinda Uyghurlarning hazirqi éghir weziyiti toghrisida muzakire élip bérilghanliqini bayan qildi: "Biz bu yighinda Uyghur türklirige qandaq yardem qilalaydighanliqimiz heqqide bash qaturduq. Uyghurlarning hazirqi ehwalidin bek ensiriduq. Könglimiz bek yérim boluwatidu. Uyghurlar muhim bir millet. Shunga bu yighinda Uyghurlarni xitayning hazirqi éghir bésim siyasitidin qutuldurush üchün qolimizdin némiler kélidu, némilerni qilalishimiz mumkin, dégen mesililer boyiche muzakire élip barduq. Merwayit xanim bu yighinda Uyghurlarning hazirqi éghir weziyiti toghrisida melumat berdi. Menche, bu nahayiti paydiliq bir yighin boldi."

"Konkordiye munbiri" yighinigha 2019-yili Uyghur herikiti teshkilatining re'isi rushen abbas qatnashqan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet