Amérikani ziyaret qilip qaytqan karxanichi mexmutjan memetjan elqutning hélihem "Terbiyelesh" te ikenliki ashkarilandi

Muxbirimiz shöhret hoshur
2021-08-18
Share
Gérmanche metbu'atlar xitayning Xitay lagérlirida Uyghurlarni türlük qiynashlardin sirt, zongzaytip olturghuzup qoyup, ménge yuyush terbiyisi élip bériwatqan körünüsh. 2018-Yili dékabir.
BITTER WINTER

Weziyettin xewerdar kishilerdin biri ötken ayda radiyomizgha inkas yollap, qeshqer yéngisheherdiki qabil karxanichilardin mexmutjan memetjanning 2016-yili amérikani ziyaret qilip qaytandin kéyin tutulghanliqi we ta hazirghiche iz-dériki yoluqini melum qilghan idi. Muxbirimizning qeshqer yéngisheherdiki alaqidar organlargha qarita élip barghan téléfon ziyaretliri dawamida, mexmutjan elqutning 2017‏-yili tutqun qilin'ghanliqi we ta hazirghiche "Terbiyelesh orni" da ikenliki ashkarilandi.

Inkas qilinishiche, qabil karxichi mexmutjan memetjan karxanichilardin teshkillen'gen bir soda ziyaret ömiki terkibide 2016-yili 4-ayning 8‏-künidin22-künigiche amérikada ziyarette bolghan. U ziyarettiki mezgilide, özi bille sayahet qiliwatqan hamildar ayali peride ilghar amérikada yenggigen we bu 4-qiz perzenti amérika pasportigha érishken. Ular er-ayal yurtigha qaytip bir mezgildin kéyin, yeni2017-yili 5-ayda mexmutjan memetjan tutqun qilin'ghan we ta hazirghiche iz-dériki ghayip bolghan.

Inkasta yene bayan qilinishiche, mexmutjanning qeshqer yéngisheherde elqut güllüki namliq bir binasi bar bolup, binaning asti qewiti bazar, üsti ahaliler olturaq öyi ornida qollinilidiken. Biz elqut binasi we mexmutjan heqqide melumat élish üchün eng awwal qeshqer yéngisheher baj idarisigha téléfon qilduq. Baj idarisining bir xadimi yéngisheherde mezkur namda bir binaning barliqini bayan qilghan bolsimu, emma binaning sahibi mexmutjan memetjan heqqide melumat bermidi.

Inkas qilinishiche, bu yil 35 yashlar chamisidiki qabil karxanichi mexmutjan yene ürümchi dawen ahaliler rayonida "Iztap" namliq yéshil yimeklikler sétilidighan talla baziri achqan؛ ürümchining yen'en yolidiki "Dewr meydani" dégen yéride öy bézekchilik shirkiti qurghan. Inkasta mexmutjan elqutning ayali peride ilgharning nöwette ürümchide turmushta qiynilip kün ötküziwatqanliqi eskertilgen. Bu uchurdin mexmutjan tutqun qilin'ghandin kéyin, uning ürümchidiki talla baziri bilen bézekchilik shirkitiningmu taqalghanliq éhtimalliqi isharetlenmkkte.

Mezkur baj idarisining xadimi mexmutjanning ürümchidiki sodisining méngiwatqan yaki toxtighanliqidin xewersizlikini bayan qilish bilen birlikte, mexmutjanning nöwettiki ehwali heqqdimu melumat bérelmidi. U mexmutjanning tutqunda ikenlikinimu inkar qilmidi, yeni u bu témilarda melumat bérishke bolmaydighanliqini eskertti.

Inkasta mexmutjan elqutning qeshqer yéngisheher saqchiliri teripidin tutqun qilin'ghanliqi we birqanche yil ilgiriki amérika ziyariti heqqide soraq qilin'ghanliqi qeyt qilin'ghan. Biz qeshqer yéngisher saqchi idarisigha téléfon qilip, mexmutjanning nöwettiki ehwali heqqide melumat soriduq. Mexmutjanning délosini yü tyentyen isimlik bir xitay saqchining ishligenlikini tilgha alghan bu xadim, mexmutjanning tutulghili 4 yil bolghanliqidin xewiri bolsimu, emma uning tutulush sewbidin xewiri yoqluqini tilgha aldi. Bu xadim yene mexmutjanning amérikada tughulghan balisi we ayalining nöwettiki ehwalidin xewrsizlikini tilgha élish bilen birlikte, mexmutjanning tutulghandin hazirgha qeder yenila "Terbiyelesh orni" da ikenlikini delillidi.

Yuqurida qeshqer yéngsheherlik qabil karxanichi mexmutjan memetjanning 4 yildin buyan yenila "Terbiyelesh orni" da ikenliki heqqide melumat berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet