“Sherqiy türkistan milliy kéngishi” de buningdin kéyin qilidighan xizmetler muzakire qilindi

Ixtiyariy muxbirimiz erkin tarim
2022.05.27
“Sherqiy türkistan milliy kéngishi” de buningdin kéyin qilidighan xizmetler muzakire qilindi Ikkinchi nöwetlik “Sherqiy türkistan milliy kéngishi” din körünüsh. 2022-Yili may, gérmaniye.
Photo: RFA

Ikkinchi nöwetlik “Sherqiy türkistan milliy kéngishi” ning ikkinchi künidiki bölümide buningdin kéyin élip bérilidighan xizmetler toghrisida muzakire élip bérildi.

27-May küni, yeni mezkur kéngeshning ikkinchi küni sherqiy türkistan we Uyghur mesilisini insaniyet mesilisige aylandurush, islam dunyasida sherqiy türkistan dewasini qandaq élip bérish, sherqiy türkistan dewasini türk dunyasida qandaq élip bérish, sherqiy türkistanning nopus mesilisi, sherqiy türkistanliq yashlarning milliy iradisini we dewagha bolghan qiziqishini ashurush, sherqiy türkistan dewasida saqliniwatqan mesililer, Uyghur ziyaliylirining sherqiy türkistan milliy musteqilliq körüshidiki roli, yaponiyeni merkez qilghan sherqiy türkistan dewasining tereqqiyati, muhajirettiki Uyghur kimlikini qoghdash we dewaning uzun mezgillik istratégiyesi, xitayning siyasiti qatarliq türlük témilarda teshkilat mes'ulliri we mutexessisler doklat bergendin kéyin mezkur témilar toghrisida muzakire élip bérildi.

Ikkinchi nöwetlik “Sherqiy türkistan milliy kéngishi” din körünüsh.  2022-Yili may, gérmaniye.

Biz yighin toghrisida köz qarishini igilesh üchün gollandiyediki yawropa sherqiy türkistan jem'iyiti bash katipi obul qasim ependi, yaponiye Uyghur jem'iyiti bashqurush hey'et ezasi sawut memet ependilerge mikrofonimizni uzattuq. Obul qasim ependi bügünki yighinda nahayiti muhim témilarda muzakire élip bérilghanliqini, nahayiti paydiliq bolghanliqini otturigha qoydi.

Sawut memet ependi özining yighinda yaponiye we sherqiy jenubi asiya döletliride sherqiy türkistan dewasini qandaq élip bérish toghrisida doklat bergenlikini otturigha qoydi.

Sawut memet ependi 20 dölettin kelgen 70 teshkilatning rehberliri we mutexessislerning öz köz qarashlirini we tekliplirini otturigha qoyghanliqini, buning sherqiy türkistan dewasini ilgirilitish üchün zor türtke bolidighanliqini bayan qildi.

Ikkinchi nöwetlik “Sherqiy türkistan milliy kéngishi” din körünüsh.  2022-Yili may, gérmaniye.

“Sherqiy türkistan milliy kéngishi” ning bügünki yighinining axirida lagér shahitliridin gülbahar xatiwaji, gülbahar jelilowa, ömerbek ali we bashqilargha dunya Uyghur qurultiyi médal berdi.

Qelbinur sidiq xanim médal alghandin kéyinki tuyghulirini bayan qildi.

Gülbahar xatiwaji xanimmu médalni tapshurup alghandin kéyinki tuyghulirini otturigha qoydi.

Gérmaniyening myunxén shehiride ötküzülüwatqan ikkinchi nöwetlik “Sherqiy türkistan milliy kéngishi” ge 20 etrapidiki dölettin 70 etrapida sherqiy türkistan ammiwi teshkilatigha wakaliten kelgen 200 etrapida teshkilat rehbiri, jama'et erbabliri, ziyaliylar, chet'ellik parlamént ezaliri, mutexesisler we adwokatlar qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.