D u q afghanistan'gha wekil ewetip u yerdiki Uyghur köchmenlirining ehwalini igilidi

Melum bolushiche, urush rayonlirida yashawatqan Uyghur muhajirlarning ehwalini éniqlash we tégishlik yardemde bolush dunya Uyghur qurultiyining nöwettiki xizmet pilanlirining biri؛ shunga qurultay ötken hepte pakistanda pa'aliyet élip bériwatqan ömer Uyghur wexpining mes'uli ömerjanni afghanistan'gha ewetken.

Qurultay wekili ömerjan 5 kündin buyan kabul we mazar shériptiki Uyghurlar bilen uchriship, qurultayning orunlashturmilirini ijra qilmaqta. Ömer Uyghur wexpining katipi ekberjanning muxbirimizgha bayan qilishiche, ömerjan afghanistandiki Uyghur muhajirlarning omumi sani, nöwettiki tinch-amanliqi we asasi qiyinchiliqi heqqide tekshürüsh élip barmaqta.

Yene melum bolushiche, qurultay wekilining teshebbusi we teshkillishi bilen muhajir Uyghurlardin köp tilliq we aliy melumatliq ekberjan merin afghanistandiki ikkinchi ewlad Uyghur muhajirlarning mes'uli qilip qilip teyinlen'gen. Kabul qatarliq Uyghur muhajirlar nisbeten köprek jaylarda Uyghur ana til mektipi échishning asasini turghuzush, qurultay wekilining bu qétimqi xizmet nishanliridin biri.

Qurultay wekili ömerjan afghanistan ziyariti heqqide muxbirimizning ziyaritini qobul qilip, bu heqte tepsiliy melumat berdi.

Awaz ulinishidin tepsilatini anglighaysiler.