Mazarishériptiki Uyghur yashlar afghanistanning urush rayonliridiki Uyghurlarni yötkeshke bashlidi

Muxbirimiz shöhret hoshur
2015-10-06
Share
jemshit-rehim-1-305.jpg Afghanistanning qunduz wilayitide dawam qiliwatqan urushta, ghayib oqta yarilan'ghan 21 yashliq jemshit rehim mazarishériptiki doxturxanida. 2015-Yili oktebir, afghanistan.
RFA/Shohret Hoshur

Afghanistanning qunduz wilayitide dawam qiliwatqan urushta, u jayda istiqamet qiliwatqan Uyghurlardin 21 yashliq jemshit rehim ghayib oqta yarilan'ghan.

Weqedin xewer tapqan mazarishériptiki bir guruppa Uyghur yashliri türlük xeterlik yollarni bésip ötüp kochilirida oq awazi bésiqmaywatqan qunduzgha yétip barghan we yaridar jemshit rehimni mazarishériptiki doxturxanigha yötkigen. Bu küni dunya Uyghur qurultiyi wekili ömerjanning afghanistan'gha yétip kelgen ikkinchi küni bolup, u shu küni kabuldiki pa'aliyitini toxtitip mazarishéripqa qarap yolgha chiqqan we yaridar jemshit rehimni doxturxanida yoqlighan.

Melum bolushiche, nöwette ekber merin we abduraxman qatarliq yashlarning yétekchilikide teshkillen'gen Uyghur yashlar guruppisi urush rayoni qunduz we bedexshandiki Uyghur a'ililiklirini bixeter wilayetlerge köchürüsh üchün heriket qilmaqta. Bular hazirgha qeder qunduzdiki 5 a'ililik Uyghurdin 3 a'ilini mazarishéripqa yötkigen, bedexshandiki 15 a'ililik Uyghurgha, bir mehel öydin sirtqa chiqmasliq, muwapiq pursette yötkeshke hazir bolushni tapilighan.

Yuqiridiki ulinishtin muxbirimizning bu heqte teyyarlighan programmisini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet