Bélgiyediki boks mahiri faruq yawropa chémpiyonluq tallash musabiqiside reqibini yengdi

Ixtiyariy muxbirimiz éhsan
2016-05-16
Share
boks-mahiri-faruq.jpg Yawropa chémpiyonluqini tallinish musabiqiside win'giriyelik mahir kassay ignasni ikkinchi meydanda yéngip, bu qétimliq musabiqide yene bir belwaghqa érishken Uyghur boks mahiri faruq qurbanof. 2016-Yili 14-may, bélgiye.
Social Media

Bélgiyediki Uyghur boks mahiri Faruq qurbanof 5-Ayning 14-küni bélgiyening wérwiye shehiride ötküzülgen yawropa chémpiyonluqigha tallinish musabiqiside win'giriyelik mahir kassay ignasni ikkinchi meydanda yéngip, bu qétimliq musabiqide yene bir belwaghqa érishken. Qapiqi yérilghan kassayning térnéri aq lata chiqirip musabiqidin chékin'genlikini élan qilghan.

Boks mahiri faruq bultur 9-ayda bélgiyede ötküzülgen tallash musabiqiside 60 kilogramliqlar türi boyiche meydan'gha chüshüp, 11 neper mahirni arqa‏- arqidin yéngip 1-likke ériship, yawropa boyiche tallash musabiqisige tallan'ghan idi.

Biz faruq qurbanofni musabiqidin kéyin tesiratini élish üchün téléfon arqiliq ziyaret qilduq.

U sözide :" Aldi bilen musabiqe meydanigha kelgen we kélelmisimu méning netije qazinishigha medet bergen, dunyaning her qaysi jayliridiki barliq Uyghur qérindashlirimgha alahide rehmet éytimen. Men bu qétimliq musabiqe üchün etrapliq teyyarliq qildim, lékin musabiqige bir hepte qalghanda, musabiqe oynaydighan esli reqibim ispaniyelik mahir bilen emes, belki win'giriyelik mahir bilen musabiqilishidighinimni bildim. Bu mahir solxey bolghachqa men musabiqe taktikamni özgertishke mejbur boldum, musabiqining ikkinchi meydanida téxnikiliq usul bilen reqibimning sol qéshini yériwettim, shuning bilen qarshi terep térnéri aq lata chiqirip musabiqini toxtatti, shuning bilen men yengdim" dédi.

Musabiqige meydanida faruq üchün medet bergen Uyghurlardin saqiyof qurban ependi ziyaritimizni qobul qilip, özining meydandiki tesiratini ipade qildi.

Bélgiye Uyghur jem'iyitining sabiq re'isi abdulmutellip imirof ziyaritimizni qobul qilip, faruqning bélgiyediki Uyghurlar üchünla emes, belki pütün dunyadiki Uyghurlar üchünmu shan-sherep keltürüwatqanliqini, uning bundin kéyinki musabiqilerde téximu yaxshi netijilerni qolgha keltürüshke tilekdashliq bildüridighanliqini sözlep berdi.

Melumatlargha qarighanda, Uyghur boks mahiri faruq qurbanof bu yil 11-ayda bélgiyede ötküzülidighan yawropa chémpiyonluq talishish musabiqiside ispaniye mahiri bilen riqabetlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet