Xotende bir Uyghur kompartiye ezasining qebrisige chéqildi dep tutqun qilin'ghan

Ixtiyariy muxbirimiz erkin tarim
2014-05-20
Share
Uyghur-Siyasi-mehbus-hayati-305.jpg Uyghur siyasiy mehbus kölenggisi.
File

Xotendin kelgen inkaslarda éytilishiche, xoten shehiridiki lasküy yézisidiki memet'imin isimlik, 32 yashtiki nérwa késilige giriptar bolup qalghan bir Uyghur, kéchide késili tutup qélip mehellisidiki mazarliqqa chiqip kétip, kentning sabiq sékrétari alimaxun bilen abdulla mesutaxunning qebrisining kichik tüwrükini chéqiwetken. Buni körgen bezi kishiler saqchi idarisige erz qilghan.

Weqeni sadir qildi dep qaralghan lasküy kentlik memet'imin 70 kün burun tutup kétilgen bolup, hazir saqchi idarisining tutup turush ornida solaqliq iken.

Memet'iminning hammisi xannisaxan bilen söhbet élip bérip bu weqe toghrisida melumat igiliduq. Uning éytishiche memet'iminning dadisi burunla tügep ketken bolup, birla anisi bar iken. U, 2 qétim toy qilghan bolsimu, nérwa késili tüpeyli ajriship ketken. U késili tutup qalghanda peqetla hoshini yoqitip qoyidighan bolup, aldigha kim kelse uridiken.

Kéche qebristanliqqa qéchip chiqqanda késili tutup qalghan bolup, u yerde ikki kommunistik partiye ezasining mazirigha chéqilip qoyghan. Xannisa xanimning éytishiche, u, saqchilar eyibligendek kommunistik partiyege qarshi qilghan heriket emes, késili tutup qalghan bolghachqa xudini bilmey qilip salghan iken. Memet'iminning matériyali aptonom rayonluq teptish idarisige yollan'ghan bolup, yerlik hökümet ularning bir terep qilishini kütüp turmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet