Ménge paralich késilining sewebi néme, uning dawasi barmu?

Uyghur aptonom rayonluq hökümet bashqurushidiki méyiplar jem'iyitining élan qilghan matériyalidin ashkarilinishiche, nöwette Uyghur élida tizimgha élin'ghan her türlük méyip kishiler sani bir milyon 69 ming bolup, buning ichide ménge paralich késilige giriptar bolghanlar 69 mingdin ashidiken. Bu san pütün Uyghur élidiki méyiplarning 6.45% Igileydu.

Mutexessisler “Uyghur éli ménge paralich késelliki eng köp rayonning biri, ularning köp qismi kirimi töwen, turmush shara'iti nachar a'ililerde yashaydu. Eger ular baldur bayqilip muwapiq dawalashqa, yardemge érishkende saqiyish éhtimalliqi bar” dep otturigha qoyup kelmekte.

Uyghurlarning jismaniy sapasigha munasiwetlik muhim témilarning biri bolghan “Uyghur diyarida ménge paralich késilining köp bolush sewebliri we uning aldini élish, dawalash” toghrisida, muxbirimiz amérika kolombiye uniwérsitéti tébbiy tetqiqatchisi memtimin ependi bilen söhbet élip bardi.

Yuqiridiki awaz ulinishidin söhbetning tepsilatini anglighaysiler.