Xitayda taralghan saxta waksinilar heqqide yapon we Uyghurlarning inkasliri

Melum bolushiche, köpligen yaponlar yaponiyege kelgen xitay sayahetchilirining köplep dora sétiwalidighanliqining sewebini xitaydiki dora we okullarda bu xildiki saxtiliq bolghanliqtin dep qaraydiken.

25-Mart yaponiye taratquliri xitay da'irilirining uqturush chiqirip sendungda ishlen'gen 12 xil saxta waksinning 24 ölkige taralghanliqini élan qilghandin kéyin, köpligen yaponlar bu heqte oxshimighan qarashlarni bayan qilghan.

Biz xitayda taralghan saxta waksinilar heqqide bir qisim yaponlar we Uyghur élidiki doxturlar bilen bu heqte téléfon söhbiti élip barduq.

Yaponiye téléwiziye qanallirining xitayda taralghan saxta waksinilar heqqidiki xewiridin xewerdar bolghan yaponiyelik obzorchi mi'ura kotaro bu heqte toxtilip mundaq dédi: “ Xitay xelq jumhuriyiti qurulghandin buyan ezeldin xelqning saghlamliqigha köngül bölmey keldi. Xitayda namratlar bilen puldarlarning dorisi we okuli perqliq.”

Yaponiye Uyghur birliki teshkilatining re'isi doktor turmuhemmet hashim yaponiye metbu'atlirida bérilgen bu heqtiki xewerge nisbeten bir qisim yaponlarning qarashlirini otturigha qoydi.

Biz xitayda ishlen'gen saxta waksinilarning Uyghur éligha tarqilish ehwali heqqide tepsiliy melumatqa ige bolush üchün Uyghur aptonom rayonluq xelq doxturxanisining saybaghdiki tarmaq doxturxanisigha téléfon qilduq.

Ziyaritimizni qobul qilghan qeshqer sheherlik tébbiy dawalash merkizining bir xadimi saxta waskinlar balilargha urulghanda körülidighan bir qisim alametler heqqide toxtaldi.

Xoten wilayetlik tébbiy dawalash meslihet merkizining bir xadimi ziyaritimizni qobul qilip, hazirche xotende xitayda ishlen'gen saxta waksina heqqide héchqandaq bir inkasning yoqluqini ilgiri sürdi.

Biz bu heqte yenimu tepsiliy uchurgha ige bolush üchün béyjing sheherlik yuqumluq késelliklerning aldini élish ponkitigha téléfon qilghan bolsaqmu, biraq qarshi terep téléfonni almidi.

Yuqiriqi awaz ulinishidin tepsilatini anglang.