Rabiye qadir: siyasiy we tebi'iy apetler Uyghur xelqimning ishench we iradisini téximu küchlendürgüsi

Melum bolghandek, Uyghur élida her yili ramizan mezgili, xitay hökümitining qattiq qolluq siyasetlirini kücheytidighan, Uyghurlarning diniy, siyasiy we insaniy heq-hoquqliri téximu qattiq bésimgha, dexli terzge uchraydighan bir mezgili bolup kelmekte. Igilishimizge qarighanda, bu yil ramizandimu xitay hökümiti ramizanliq türlük cheklime tedbirlirini yolgha qoyghandin bashqa, Uyghurlarni tuyuqsiz we mexpiy tutqun qilish heriketlirini dawam qiliwatqanliqi ashkarilanmaqta.

Bu xil siyasiy bésimdin bashqa yene, ramizan bashlan'ghandin buyan Uyghur xelqining béshigha kéliwatqan yer tewresh, pewqul'adde zor kelkün apetlirige oxshash türlük tebi'iy apet we külpetlerdin endishilen'gen dunya Uyghur qurultiyining re'isi rabiye qadir xanim, mexsus ziyaritimizni qobul qilip, siyasiy we tebi'iy apetlerde qéliwatqan Uyghur élidiki xelqtin alahide hal soraydighanliqini, ular üchün du'a qilidighanliqini bildürdi we pütün dunyadiki Uyghurlarni ulugh ay, ulugh künlerde özining musulmanliq we Uyghurluq burchini ada qilishqa, qurbining yétishiche yardemge mohtaj Uyghurlargha yardem qolini sunushqa chaqirdi.

Yuqiridiki ulinishtin rabiye qadir xanimning chaqiriqining toluq mezmunini anglaysiler.