Yopurgha bay'awatta 65 a'ile süpet ölchimidin ötmigen xeterlik öylerge mejburi köchürülgen

Ashkarilinishiche yopurgha nahiyisining bay'awat yéza 3-kentide 2011-yili we 2012 yilliri 100 ge yéqin a'ilige yer tewreshke chidamliq öy sélip bérish üchün qurulush bashlan'ghan.

Qurulush, déyilgen waqitta pütmigenning üstige ölchemlik matériyallar ishlitilmigechke öy pütmey turupla bixeterlik jehettin mesile körülüshke bashlighan, bu ehwalni ahaliler topliship bérip alaqidar orunlargha melum qilghan. Alaqidarlar orunlarning tekshürüshide öy süpet ölchimidin ötmigen bolsimu, yerlik da'iriler ahalilerni bu öylerge derhal köchüshke mejburlighan. Hetta bu öylerge köchmise siyasiy jehettin xatalishidighanliqini eskertip tehdit salghan. Netijide 65 a'ile süpet ölchimidin ötmigen atalmish yer tewreshke chidamliq öylerge mejburi köchürülgen.

Mezkur kenttiki ahalilerdin birining radi'omizgha ashkarilishiche, xeterlik öylerge köchken a'ililer nöwette endishe ichide kün ötküzmekte.

Tepsilatini awaz ulinishidin anglighaysiz.