Xitayda "Yémeklik bixeterliki" sepsete bolup qaldi

Muxbirimiz gülchéhre
2013-05-08
Share
yunda-turubisi-zeherlik-may-305.jpg Bir qanunsiz zawutning kölchikige yighiwélin'ghan meynet may. 2011-Yili 10-may chungching.
Imaginechina

"Yémeklik bixeterliki" xitayning 2013 - yili ikki yighin mezgilidiki eng qiziq nuqtining biri bolup qalghan idi shundaqla yémeklik bixeterlik qanunighimu tüzitish kirgüzüldi, emeliyette bu mesile xitayda her yili xelq eng köngül bölidighan, jem'iyette keng zor ghulghula qozghighan mesile bolup kelmekte.

Emma yéqinqi künler ichidila, "Qush zukimi bilen ölgen öy qushliri", "Késel bilen ölgen kala we bashqilar", "Chashqandin yasalghan qoy göshi" qatarliqlarning istimal bazirida keng kölemde pash bolushi, xitayning saxta mallargha qarshi qayta - qayta élip biriwatqan zerbe bérish heriketlirining kargha kelmey, yémeklik bixeterliki peqet bir sepsete bolup qalghanliqini ashkarilidi. Xitaydiki yémeklik bixeterlikige a'it mewjut mesililer heqqide muxbirimiz gülchéhre teyyarlighan melumat diqqitinglarda bolsun.

Xitayda ishlepchiqirilip insanlar hayatigha tehdit élip kéliwatqan saxta xeterlik mallar ichide,saxta yémekliklerning dangqi bar. Gerche xitay hökümet da'iriliri türlük wasitilerni qollinip saxta we zeherlik yémekliklerge zerbe bérip kéliwatqanliqini teshwiq qiliwatqan bolsimu epsuski, xitayda saxta yémekliklerning türliri köpiyip, ishlepchiqirish usulliri barghanche qebihliship, orash hemde tarqitish téxnikiliri barghanche yéngilinip kéngiyip barmaqta. Da'irilerning zerbe bérish herikitige zor riqabet yaratmaqta.

Xitay yémeklik bixeterliki torining - 3may xewiride körsitishiche,xitay jama'et xewpsizlik ministirliqining bu yil - 1 aydin bashlap üch ay élip barghan saxta we xeterlik yémekliklerni ishlepchiqirish we sétishqa qaratqan mexsus tür boyiche zerbe bérish herikitide éghir derijidiki délodin 2010 i pash bolghan, zeherlik we xeterlik yémekliklerni ishlepchiqirip satqan yer asti zawuttin 1721 ni tapqan, saxta yhémekliklerni ishlepchiqirish, sétish torigha ilin'ghan qara zawut, qara shirket we jinayetchilerning sanimu intayin köp iken. Xitayda yéqindin buyan insanlarning kündilik yémek - ichmikige zeher salghan bu xil saxta yémekliklerning ichide bolupmu öy haywanliri we öy qushliri türidiki yémekliklerning bixeterlikide éghir mesililer körülmekte. Hetta bu xil saxta yimeklerdin zeherlinip adem ölüsh weqeliri körüldi.

Hazirghiche xitayning barliq ölke, aptonom rayon, sheherliridin yighiwélin'ghan saxta qoy, kala göshliri, su urup semiritilgen gösh, késeldin ölgen öy haywanliri, ximiyilik oghutta béqilghan béliq we qushlar, qush zukimida ölgen öy qushliri qatarliq xeterlik istimal göshler 20 tonna etrapida bolup, bazargha tarqalghan yene 40 tonna saxta göshning iz - dériki tépilmighan.

Nöwette jay - jaylarda her derijilik yémeklik bixeterliki, süpet ölchimige mes'ul orunlar bazardiki saxta we zeherlik yémek - ichmek buyumlirigha zerbe bérish herikiti élip bériwatqan iken. Jümlidin Uyghur aptonom rayoni da'irilirimu mexsus baqmichiliq sahesining bixeterlikini nishan qilip, ölüsh sewebi éniq bolmighan öy haywanliri sodisi, uni yötkesh we pishshiqlap ishlesh we késeldin ölgen öy haywanliri we qushlirini xalighanche bir terep qilishqa bolghan kontrolluqni kücheytken. Hazirghiche Uyghur éli bazarlirida süpet tekshürüshtin layaqetlik ötken mallar 89% tin ashqan bolsimu, xitay ölkilerdin kiriwatqan we yer asti zawutlarda pishshiqlap ishlinip bazargha séliniwatqan yémeklikler bu xil süpet tekshürüsh da'irisige kirgüzülmigen.

Uyghur élida achchiqsu, purchaq échitqusi we qachilan'ghan sularda süpet mesilisi bir qeder éghir ikenliki melum bolghan.

Uyghur élidiki ammining inkasigha qarighanda, Uyghurlar asasen yémeklik süpiti we pakizliqigha alahide ehmiyet béridighan bolghachqa, xitayda ghulghula we endishe qozghighan yémeklik bixeterlik mesilisi Uyghurlarning hayatigha istimal aditige chong tesir körsitelmigen. Lékin, xitayning köp jaylirida gösh türidiki yémekliklerdin éghir mesililerning bayqilishi, gösh bahasining örlishige seweb bolup kelmekte:

Uyghurlarning inkasliridin, shundaqla ammiwi taratqularda élan qilin'ghan uchurlardin Uyghur élide musulmanche yémeklikler bixeterlik mesilisining éghirliqi melum, bazardiki teyyar musulmanche yémekliklerge halal yaki musulmanche dégen xet yézip qoyulghan bolsimu, bolupmu xitaydin kirgen musulmanche yémekliklerning süpet ölchimide zor mesililer körülmekte,yéqinqi yillardin buyan, Uyghur élidiki musulman amma da'irilerning mexsus musulmanche yémekliklerning süpet ölchimige ehmiyet bérishini, bazardiki gumanliq bolghan halal yémekliklerni tekshürüshini küchlük telep qilip kelmekte. Emma da'iriler hazirgha qeder mexsus musulmanche yimekliklerge qaratmiliq tekshürüsh élip barmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet