Awstriye hökümiti herqaysi döletlerni atom qorallirini yoqitish we chekleshke chaqirdi

Yéqinda awstriyening wiyéna shehiride chaqirilghan “3 - Nöwetlik xelq'araliq atom qorallirining insaniyetke bolghan tesiri” mawzuluq yighin'gha 160 dölettin kelgen mutexessis, pa'aliyetchi we siyasiyonlar qatnashqan bolup, yighin axirida awstriye hökümiti, dunya döletlirini atom qorallirini yoqitishqa we chekleshke chaqirdi. Burun mezkur yighinda atom qorallirini qandaq qoghdash, uning insaniyetke élip kélidighan ziyinini qandaq qilip azaytish mesililiri muzakire qilin'ghan bolup, wiyénada chaqirilghan bu qétimqi yighinda atom qorallirining insaniyetke élip kelgen balayi - apetliri misallar bilen otturigha qoyulghan.

Eng axirida awstriye hökümiti, yighin'gha ishtirak qilghan 160 döletning atom qorallirining insaniyetke élip kelgen ziyinini tonup yétip, atom qorallirini cheklesh, yoqitish we mezkur qoralni ishlep chiqarghanlarni eyibleshke chaqirdi.

Mezkur yighin'gha qatnashqan Uyghur ziyaliysi eniwer toxti ependi yighin ehlige xitayning lopnorda élip barghan atom sinaqliri we buning Uyghurlargha we muhitqa bolghan tesiri toghrisida melumat berdi.

U, mezkur yighinda xitay hökümitini atom siniqi tüpeyli ziyan'gha uchrighan Uyghurlargha tölem töleshke chaqirdi.