Amérikadiki Netroots Nation ning 2022-yilliq yighinida Uyghur weziyiti anglitilghan

Muxbirimiz méhriban
2022.08.19
Rushan-Abbas-Netroots-Nation'da-doklat-bermekte-1 Roshen abbas Netroots Nations orginining yilliq yighinida doklat bermekte. 2002-Yili awghust, amérika.
RFA

Amérikadiki Netroots Nation démokratiye we tereqiyatni teshebbus qilidighan, payda élishni meqset qilmaydighan bir ammiwi organ bolup, mezkur organning 2022-yilliq yighini amérikaning pénsilwaniye shitatigha qarashliq pétirsburg shehride échilghan. Bu yighin'gha 3000 gha yéqin adem qatnashqan. Yighin 18-awghusttin 20-awghustqiche 3 kün dawamlishidighan bolup, amérikidiki  “Uyghur herkiti” teshkilatining bashliqi roshen abbas xanim, bu yighinda xitay hökümitining Uyghur siyasiti heqqide doklat bérishke teklip qilin'ghan.

Roshen abbas xanim pétirsburg shehridin téléfon ziyaritimizni qobul qilip, özining 18-aghust, yeni yighinning 1-künidiki “Kishilik hoquq amérikaning tashqiy siyasitining asasi bolushi kérek” dégen mexsus témiliq muhakimide doklat bérishke uyushturulghanliqini bildürdi.

Roshen abbas xanimning bildürüshiche, u doklatida xitay hökümitining Uyghurlargha qaratqan basturushliri, bolupmu irqiy qirghinchiliqqa uchrawatqan Uyghurlarning hazirqi qiyin weziyiti heqqide melumat bergen. U doklatida yene Uyghurlar uchrawatqan irqiy qirghinchiliqning konkirét ipadiliri bolghan lagérlargha qamash, mejburi emgek, Uyghur ayallirini tughmas qilish, Uyghur yashlirini xitay ölkilirige yötkep qul ishchi qilish, xitaylar bilen nikahlinishqa mejburlash, Uyghurlarning tili we diniy étiqadini cheklesh, Uyghur balilirini ata-aniliridin ayrip xitayche uslubta terbiyelesh qatarliqlar heqqidimu delil-pakitlarni körsitip ötken. U doklatining axirida amérikaning xitaygha qaratqan siyasitide Uyghur mesilisini muhim bir mesile süpitide nezerge élishni tekitligen.   

Roshen abbas Netroots Nations orginining yilliq yighinida doklat bermekte. 2002-Yili awghust, amérika.

Roshen abbas xanim yene mezkur yighinni uyushturghan Netroots Nation  Namliq organ we uning pa'aliyetliri heqqidimu qisqiche chüshenche bérip ötti.

Mezkur organtning tor békitidimu organning xaraktéri we pa'aliyetliri heqqide chüshendürüsh bérilgen. Uningda bayan qilinishiche, Netroots Nation namliq bu organ payda-menpe'et qoghlashmaydighan, démokratiye we tereqqiyatni teshebbus qilidighan bir ammiwiy organ iken.

Mezkur organ 2006-yildin buyan her yili nechche ming kishi qatnashqan zor kölemlik yighinlarni uyushturup kelgen iken. Bu organ heqqidiki tor uchurlirida déyilishiche, yilda bir qétim échilidighan bu organning bu xildiki chong yighinlirigha amérikadiki sotchilar, adwokatlar, siyasi partiye we teshkilatlar we soda-sana'et sahesidikilerni öz ichige alghan her sahe kishiliri qatnishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.