Ню-йорк вә аделайд шәһәрлиридә қирғинчилиққа қарши намайиш уюштурулди

Мухбиримиз мәмәтҗан җүмә
2021-02-21
Share
Ню-йорк вә аделайд шәһәрлиридә қирғинчилиққа қарши намайиш уюштурулди 20-Феврал австралийәниң адилайд шәһиридә уюштурулған хитай уйғурларға йүргүзүватқан ирқий қирғинчилиққа қарши намайиштин бир көрүнүш. 2021-Йили 20-феврал.
Social Media

20-Феврал австралийәниң аделайд шәһиридә хитай уйғурларға йүргүзүватқан ирқий қирғинчилиққа қарши намайиш уюштурулған. Намайишни австралийә шәрқий түркистан җәмийити билән "демократийәни мудапиә қилиш" тәшкилати бирликтә тәшкиллигән болуп, намайишқа бир қисим йәрлик парламент әзалириму қатнашқан вә сөз қилған.

Америкидики уйғур кишилик һоқуқ қурулушиниң тәтқиқатчиси зубәйрә шәмшидин ханимниң билдүрүшичә, бу австралийә сиясийонлириниң тунҗи қетим уйғурлар тәшкиллигән намайишқа өзлири биваситә қатниши болуп һесаблинидикән.

Униңдин башқа, 20-феврал уйғур америка академийәсиниң орунлаштуруши билән ню-йорк шәһәрдә "аиләм нәдә" һәрикитигә аваз қошуп намайиш өткүзүлди.

Uyghur-Academy-Newyork-Namayish-20210220-02.jpg
Уйғур америка академийисиниң орунлаштуруши билән нюйорк шәһиридә өткүзүлгән "аиләм нәдә" һәрикитигә аваз қошуш намайишидин бир көрүнүш. 2021-Йили 20-феврал.

"аиләм нәдә" һәрикити түркийәдә башланған болуп, өткән бир нәччә айдин буян түркийәниң истанбул вә әнқәрә шәһәрлиридики хитай әлчиханилири вә муһим саяһәт орунлирида давам қилип келиватқан иди.

Uyghur-Academy-Newyork-Namayish-20210220-01.jpg
Уйғур америка академийисиниң орунлаштуруши билән нюйорк шәһиридә өткүзүлгән "аиләм нәдә" һәрикитигә аваз қошуш намайишидин бир көрүнүш. 2021-Йили 20-феврал.

Намайиш ню-йорк вақти саәт 1 дә, бирләшкән дөләтләр тәшкилатиниң ню-йоркта турушлуқ баш штаби алдида башланған. Кейин у йәрдин хиралд мәйданиға йөткәлгән вә әң ахирда дәвр мәйданида чүштин кийин саәт үч йеримиғичә давам қилған.

Ню-йорктики уйғур зиялийси мәмтимин дохтурниң радийомизға билдүрүшичә, намайиш җәрянида "уйғурларға әркинлик", "ирқий қирғинчилиқ тохтитилсун", "лагерлар тақалсун" дегәндәк шоарлар товланған вә тәшвиқат материяллири тарқитилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт