Nike Özining Uyghur mejburi emgikige chétishliq ikenlikini ret qildi, emma uninggha chétishliq teminat zenjirini aqlidi

Muxbirimiz erkin
2020-07-21
Élxet
Pikir
Share
Print
Amérika tamozhna we chégra qoghdash idarisi teminligen bu waqitsiz sürette körsitilishiche, tamozhna wakaletchisi tamozhnida tosuwélin'ghan xitaydin kelgen 14,800 jüptin artuq nike ayaghliridin birini tutup turghan körünüshi.
Amérika tamozhna we chégra qoghdash idarisi teminligen bu waqitsiz sürette körsitilishiche, tamozhna wakaletchisi tamozhnida tosuwélin'ghan xitaydin kelgen 14,800 jüptin artuq nike ayaghliridin birini tutup turghan körünüshi.
AP

Nike Shirkiti, xitayning Uyghurlarni mezkur shirketning xitaydiki mal teminligüchi karxanilirida mejburi emgekke sélishigha köz yumup, uninggha yantayaq bolush bilen eyiblinip kéliwatqan dangliq xelq'ara markilarning biri. Nöwette bu xil shirketlerning xitaydiki Uyghurlarni mejburi emgekke séliwatqan karxanilar bilen alaqisini üzüsh toghrisidiki küchlük bésimigha uchrawatqanliqi melum. Lakoste, adidastek bezi shirketler özlirining bu xil xitay karxanilar bilen alaqisini üzüp, mal zakaz qilishni toxtatqanliqini élan qilghan bolsimu, lékin Nike bu jehettiki tenqidlerni ret qilip keldi.

Biz shu munasiwet bilen ötken hepte bu shirketke téléfon qilip, ularning xitaydiki bu xil karxanilargha dawamliq mal zakaz qilishi u tekitlep kelgen" irqiy kemsitishke qarshi turush "Prinsipigha qanchilik uyghunluqini sorighaniduq. Mezkur shirket muxbirimizgha ewetken bu heqtiki yazma bayanatida, özlirining mejburi emgekke chétilghanliqini ret qilip, Nike ning Uyghur diyarida zawuti yoqluqi, ularni mal bilen teminligüchi xitay karxanilirining mejburi emgek bilen alaqisini üzüp, Uyghur ishchilirini yurtigha qayturghanliqini ilgiri sürgen.

Biz bu shirketke téléfon qilghanda uning yershari alaqe ishlar diréktori grég rossitér téléfonimizni qobul qilip, bu mesilige téléfonda jawab bermeydighanliqi, yazma jawab béridighanliqini bildürgen. U muxbirimizgha ewetken yazma bayanatidaNike ning herikitini aqlap," biz xelq'ara ölchemlerge emel qilimiz. Shinjang Uyghur aptonom rayonidiki mejburi emgekke alaqidar doklatlargha nahayiti köngül bölimiz. Nike Ning biwasite shinjang Uyghur aptonom rayonida ishlepchiqirilghan mehsulati yaki mehsulat matériyali yoq. Biz mal bilen teminligüchi höddigerlirimizning rayonda ishlepchiqirilghan gezmal yaki paxta yipni ishletmeydighanliqini delilliduq "Dégen.

Xitaydiki yilliq omumi paxta mehsulatining 86 % Uyghur diyarida ishlepchiqirilidu. Nike Bayanatida xitaydiki höddigerlirining matériyalni qandaq hel qiliwatqanliqini chüshendürmigen. Amérikadiki yazghuchi, zhornalist we obzorchi gordon changning qarishiche, Nike ning sözlirining chinliqi gumanliq iken. U 21-iyul ziyaritimizni qobul qilip, eger Nike ning sözi rast bolsa uning buni ispatlishi kéreklikini bildürdi.

Gordon chang mundaq deydu:" Nike ning bu heqtiki bayanatini men özümning bügünki maqalemde neqil qilip aldim. Uning dégenliri rast emes. 'washin'gton pochtisi' géziti Nike ning élan qilghan bayanatining toghra emeslikini xewer qildi. Bu yil mart éyidin kéyin qandaq ishlarning bolghanliqini bilmidim. Belkim ular pütün Uyghur ishchilirini yurtigha qayturuwetken bolushi mumkin. Biraq Nike buning chinliqini ispatlishi kérek. Chünki, bayanat élan qilip qoyushi bu ishning rastliqini körsetmeydu ".

Nike Bayanatida, özlirining" xitaydiki mal teminligüchiler bilen shinjangdin kelgen Uyghur we bashqa az sanliq milletlerni ishlitishke munasiwetlik yoshurun xewpni nahayiti hushyarliq bilen éniqlash we mölcherleshke tirishiwatqanliqi "Ni ilgiri sürgen. Uning tekitlishiche, Nike teygu'ang shirkitining 2019-yildin buyan chingdawdiki karxanisigha Uyghur diyaridin ishchi qobul qilishni toxtatqanliqi shundaqla rayondin kelgen ishchilarni yurtigha qayturghanliqini jezimleshturgen bolup," teygu'ang shirkiti buninggha da'ir höjjetlerni Nike bilen ortaqlashqan "Iken.

Lékin awstraliye istirategiyelik siyaset institutining bu yil 3-ayda élan qilghan doklatida, xitayning chingdaw shehiridiki Nike ni mal bilen teminleydighan teygu'ang shirkitige tewe bir karxanida 700 dek Uyghur ishchining qattiq nazaret astida mejburi emgekke séliniwatqanliqi ilgiri sürülgen." washin'gton pochtisi "Gézitimu bu yil 3-ayda bergen bir xewiride, Uyghur ishchilirining dawamliq bu karxanida emgekke séliniwatqanliqini bildürgenidi.

Nöwette amérika hökümiti Uyghur mejburi emgek mehsulatlirini cheklesh toghrisida jiddiy inkaslarda boluwatidu. Gordon changning qarishiche, amérika hökümitining Uyghur mejburi emgek mesilisidiki siyasiti toghra yönilishke qarap kétip barmaqtiken. U mundaq dédi:" elwette amérikaning siyasiti mejburi emgekke qarshi turidu. Eng muhim mesile amérikaning mejburi qulluq emgikige sélinip ishlepchiqirilghan mehsulatlarning amérikagha import qilinishini cheklishidur. Bu bizning dölitimiz we biz buni qilalaymiz. Amérikaning bu jehettiki siyasiti toghra yönilishke qarap kétiwatidu. Buningda qanchilik qilishqa tégishlik bolsa uning shunchilik qilidighanliqigha ishinimen ".

Amérika tashqi ishlar ministirliqi, soda ministirliqi we ichki bixeterlik ministirliqi yéqinda amérika karxanilirini agahlandurup, ularni xitayning Uyghurlarni denpsende qilishigha shérik bolup qalmasliqqa ündigen. U 20-iyul küni yene xitayning" sanji yida toqumichiliq guruhi "," xoten xawling chach mesulatlar zawuti "Ni öz ichige alghan 11 xitay shürkitini" qara tizimlik "Ke kirgüzgen. Buning bilen "Qara tizimlik" ke kirgüzülgen xitay karxaniliri'ing sani 37 ge yétip barghanidi.

Xitaydiki teminat zenjiri mejburi emgekke chétilish bilen eyibliniwatqan Nike ning yuqiriqi bayanati, amérikada uning irqiy kemsitishke qarshi turush jehettiki aktip pozitsiyesi munazire qozghap, beziler uning semimiyitige so'al qoyuwatqan mezgilde élan qilindi. Bu munazirige amérikadiki dangliq zeytun top kulubi" washin'gton qizil tenlikler "Ning ismini özgertishni qarar qilishi seweb bolghan. Mezkur kulubning bu qarargha kélishide Nike shirkiti türtkilik rol oynighan shirketlerning biri.

FedEx Shirkiti bilen Nike shirkiti" washin'gton qizil tenlikler kulubi "Ning muhim iqtisadiy qollighuchisi bolup, ular eger bu kulub" qizil tenlik "Dégen irqchiliq xahishidiki bu isimni özgertmise, özlirining yardimini késidighanliqini élan qilghan. Nike Ning bu mesilidiki ipadisi amérika jama'et pikride munazire qozghighan bolup, beziler xitaydiki teminat zenjiri mejburi emgekke chétishliq, dep eyipliniwatqan Nike ni" ikki yüzlimichilik "Bilen tenqidligen.

Amérikadiki "Stre'am" namliq bir tor zhurnili yéqinda torda imza toplash herikiti qozghap, eger Nike pikride heqiqeten semimiy bolsa," washin'gton qizil tenlikler kulubi "Ning ismini" washin'gton Uyghurliri "Dep özgertishni telep qilghanidi.

Toluq bet