Уйғур вә тибәт тәшкилатлири бейҗиң олимпик мусабиқисини байқут қилиш паалийити өткүзди

Мухбиримиз әзиз
2021.03.17
Share on WhatsApp
Share on WhatsApp
Уйғур вә тибәт тәшкилатлири бейҗиң олимпик мусабиқисини байқут қилиш паалийити өткүзди Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.
Photo: RFA
olimpik-bayqut-namayish-1.png

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

olimpik-bayqut-namayish-2

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

olimpik-bayqut-namayish-3

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

olimpik-bayqut-namayish-5

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

olimpik-bayqut-namayish-4

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

olimpik-bayqut-namayish-6

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә тәшкиллигән йиғилиш паалийитидин көрүнүш. 2021-Йили 17-март, вашингтон.

Йеңи нөвәтлик америка һөкүмити билән хитай һөкүмити оттурисидики тунҗи қетимлиқ алий дәриҗиликләр учришиши 18-март күни аляскида башлиниш һарписида вашингтон шәһиридики уйғур вә тибәт тәшкилатлири бирликтә йиғилиш паалийити тәшкиллиди һәмдә америка һөкүмитини 2022-йили бейҗиңда өткүзүлүш алдида туруватқан қишлиқ олимпик йиғинини байқут қилишқа чақирди.

17-Март күни чүштин бурун вашингтон шәһири һәмдә бир қисим қошна шитатлардин кәлгән һәр саһәгә хас паалийәтчиләр ақсарайниң шималий қисмидики лафайет мәйданиға топланди. Мәйданниң әтрапи “шәрқий түркистан байриқи” һәмдә тибәтләрниң байрақлири билән, шуниңдәк тибәт вә ‍уйғур дияридики зулумларни әйибләш шоарлири билән толғаниди. Мәлум болушичә бүгүнки бу йиғилиш паалийитини “әркин тибәт оқуғучилири”, “уйғур һәрикити” тәшкилати, америка уйғур бирләшмиси қатарлиқ пуқравий җәмийәтләр бирликтә тәшкиллигән болуп, улар мушу пәвқуладдә орунға җәм болуш арқилиқ америка һөкүмитини хитайға техиму қаттиқ бесим ишлитишкә дәвәт қилишни көзлигән иди.

Бу қетимқи паалийәт икки қисимға бөлүнгән болуп, алдинқи бөликидә һәрқайси тәшкилатларниң вәкиллири, шуниңдәк хитай зулминиң шаһитлири сөзлиди. Болупму хитай һөкүмитиниң ашкара һалда ирқий қирғинчилиқ қилип туруп йәнә олимпик роһиға хилап һалда бейҗиңда йәнә бир қетим олимпик мусабиқиси ‍өткүзмәкчи болғанлиқи кәскин әйибләнди (қисқа аваз). Сабиқ тибәт сиясий җинайәтчи дондуб ваңченму өзиниң 2008-йилидики бейҗиң олимпик йиғини мәзгилидә қолға елиништәк қисмитигә бирләштүргән һалда 2008-йилидики тарихий хаталиқни әмди тәкрарлаштин сақлиниш һәққидә сөз қилди. Шу қатарда уйғур лагер шаһити турсунай зиявудун уйғур паалийәтчиләрдин әлфидар илтәбирниң тәрҗиманлиқида йиғилиштики җамаәткә өзиниң лагер һаятини ‍ихчам шәкилдә баян қилип бәрди. (Қисқа аваз) болупму униң бирму хитай қамалмиған лагерларниң ашкара һалда уйғурларни қириш ролини ойнаватқанлиқини, мушундақ бир һөкүмәтниң олимпик өткүзүшигә йол қойғили болмайдиғанлиқи һәққидики сөзлири зор тәсир қозғиди. .

Паалийәтчиләрдин “уйғур һәрикити” тәшкилатиниң рәиси рошән ‍аббасму сөз елип, уйғур җәмийити дуч келиватқан зор ирқий қирғинчилиқниң аллиқачан “сиясий” түс елип болған һадисә икәнликини алаһидә шәрһләп өтти. . У сөзидә ‍өз кәчүрмишлиригә бирләштүргән һалда уйғур аяллириниң җинсий хорлуққа дуч келиши, сәбийләрниң җудалиққа гириптар болуши, әмдиликтә ғайәт зор сандики мәҗбурий әмгәк сепиниң һасил болуватқанлиқи дегәнләрниң хитай һөкүмити садир қиливатқан җинайәтләрни ашкара қиливатқанлиқини, хәлқара олимпик комитетиниң мусабиқини “сиясийлаштурмаслиқ” һәққидики баһанилириниң мәҗбурий тойлаштуруш, җинсий хорлуқ, қиз-чоканларни туғмас қиливетиш дегәндәк шунчә көп “сиясийлашқан” һадисиләр алдида задила ақмайдиғанлиқини баян қилип “биз һазир бу ирқий қирғинчилиқниң тамашибинлири әмәс, бәлки шериклири болуп қеливатимиз. Хитай һөкүмити хәлқара тәшкилатларни зуван сүрәлмәс қиливетиш һийлисини әмди олимпик комитетиға кеңәйтмәктә” дәп хитаб қилди.

Паалийәтниң иккинчи бөлики ахбарат елан қилиш йиғини болди. Бу басқучта шаһитлар мухбирларниң мунасивәтлик соаллириға җаваб бәрди, шундақла һәрқайси җайлардин кәлгән шәхсләр вә паалийәтчиләр нөвәттә хитай һөкүмитиниң хәлқарада түрлүк усулларни қоллинип, дуняви тәртипни өз мәнпәәти үчүн хизмәт қилдуруватқанлиқи һәққидә өз қарашлирини баян қилди. Шу қатарда америка уйғур бирләшмисиниң һәйәт әзаси әлфидарму сөз елип, ирқий қирғинчилиқ қиливатқан бир һакимийәтниң олимпик мусабиқиси өткүзүш салаһийитиниң болмайдиғанлиқи әмәлийәттә бәкму аддий бир қаидә икәнликини ихчам шәрһләп өтти.

У сөзидә хитай һөкүмити мушунчә зор қирғинчилиқ вә инсанийәткә қарши җинайәтни садир қиливатқан әһвалда уйғурларниң һечқачан зулумға вә бастурушқа қарши күрәштин тохтап қалмайдиғанлиқини, аллиқачан фашистик түс елип болған хитай компартийәсиниң өткән нәччә он йилдин буян давам қилип кәлгән уйғурларни ассимилятсийә қилиш урунушиниң әмдиликтә зор көләмлик қирғинчилиққа айлинип болғанлиқини, бундақ бир һакимийәтниң олимпик мусабиқисигә саһибханилиқ қилишини тосуш лазимлиқини алаһидә тәкитлиди.

Паалийәт ахирлашқандин кейин әлфидар бу һәқтә радийомизға сөз қилип, америка уйғур бирләшмисиниң бу қетимқи йиғилишни тәшкилләшкә күч чиқириш арқилиқ америка һөкүмитиниң олимпик мәсилисидә хитайға техиму қаттиқ мәвқәдә болушиға түрткә болуш арзусида икәнликини билдүрди. .

Мәлум болушичә, нөвәттә һәрқайси һөкүмәтләр вә охшимиған саһәләр арисида хитайдики қишлиқ олимпик йиғинини байқут қилиш чуқанлири барғансери көпләп ‍оттуриға чиқиватқан болуп, буниң қисмән болсиму иҗабий нәтиҗиләрни пәйда қилиши үмид қилинмақтикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.