Истанбулдики уйғур яшлири бейҗиң олимпикигә қарши 5000 метирға йүгүрүш мусабиқиси өткүзди

Ихтиярий мухбиримиз арслан
2022.02.14
Share on WhatsApp
Share on WhatsApp
Истанбулдики уйғур яшлири бейҗиң олимпикигә қарши 5000 метирға йүгүрүш мусабиқиси өткүзди Уйғур яшлири 5000 метирға йүгүрүш мусабиқиси өткүзүп, бейҗиң олимпикигә қаршилиқини билдүрди. 2022-Йили 12-феврал, истанбул, түркийә.
RFA/Arslan

12-Феврал шәнбә күни истанбулдики уйғур яшлири 5000 метирға йүгүрүш мусабиқиси өткүзди. Мәзкур мусабиқини шәрқий түркистан тәнтәрбийә вә тәрәққият җәмийити уюштурған болуп, хәлқара шәрқий түркистан тәшкилатлар бирликиму мусабиқәни қоллап-қуввәтлиди.

Шәрқий түркистан тәнтәрбийә вә тәрәққият җәмийитиниң рәиси таһир көкбайрақниң билдүрүшичә, бу мусабиқиниң мәқсити 2022-бейҗиң қишлиқ олимпик тәнһәрикәт мусабиқисини байқут қилиш вә хитайниң уйғурлар үстидин йүргүзиватқан ирқий қирғинчилиқиға қарши туруштин ибарәт икән.

Уйғур яшлириниң бейҗиң олимпикигә қарши өткүзгән 5000 метирға йүгүрүш мусабиқисидә хәлқара шәрқий түркситан тәшкилатлар бирликиниң рәиси һидайәтулла оғузхан сөзлимәктә. 2022-Йили 12-феврал, истанбул, түркийә.
Уйғур яшлириниң бейҗиң олимпикигә қарши өткүзгән 5000 метирға йүгүрүш мусабиқисидә хәлқара шәрқий түркситан тәшкилатлар бирликиниң рәиси һидайәтулла оғузхан сөзлимәктә. 2022-Йили 12-феврал, истанбул, түркийә.
RFA/Arslan

Бу қетимлиқ йүгүрүш мусабиқисиниң ечилиш мурасимида шәрқий түркистан тәнтәрбийә вә тәрәққият җәмийитиниң рәиси таһир көкбайрақ сөз қилип, мундақ деди: “биз хитайниң вәтинимиздә бир тәрәптин ирқий қирғинчилиқ қилип, йәнә бир тәрәптин уни йошуруш вә дуняниң диққитини башқа тәрәпкә бураш үчүн олимипик мусабиқиси өткүзиватқанлиқиға қарши туруш, уни байқут қилиш, шундақла буниңға наразилиқимизни билдүрүш үчүн бу паалийәтни уюштурдуқ.”

Бу қетимлиқ йүгүрүш мусабиқисигә “истиқлал медали йүгүрүш мусабиқиси” дәп нам берилгән болуп, чоң-кичик 30 дәк уйғур яш мусабиқиға қатнашти. Чоң-кичик маһирлар һәрқайсий тәшкилат мәсоллири вә мәйдандики ата-ана, уруқ-туғқанлириниң мәдәт бериши билән 5000 метирлиқ мусапини йүгүрүп ғәлибилик тамамлиди.

Уйғур яшлири 5000 метирға йүгүрүш мусабиқиси өткүзүп, бейҗиң олимпикигә қаршилиқини билдүрди. 2022-Йили 12-феврал, истанбул, түркийә.
Уйғур яшлири 5000 метирға йүгүрүш мусабиқиси өткүзүп, бейҗиң олимпикигә қаршилиқини билдүрди. 2022-Йили 12-феврал, истанбул, түркийә.
RFA/Arslan

Йүгүрүш мусабиқиси башлиништин илгири сөз қилған хәлқара шәрқий түркситан тәшкилатлар бирликиниң рәиси һидайәтуллаһ оғузхан, яшларниң бу қетимлиқ йүгүрүш мусабиқиси арқилиқ шәрқий түркистан хәлқиниң әркинлик вә мустәқиллиқ ирадисни намаян қилғанлиқини билдүрди.

У мундақ деди: “истиқлал үчүн уюштурулған бу қетимлиқ йүгүрүш мусабиқиси бизгә истиқлалдин ибарәт нишанға елип баридиған бир роһни нанаян қилди. Бу қетимлиқ йүгүрүшниң нәтиҗиси маһирларни истиқлал медалиға ериштурсә, омумиййүзлүк һәрикәт қиливатқан муҗадилимизму бизни шәрқий түркситанниң азадлиқи вә истиқлалини қолға кәлтүрүшкә башлап маңиду. Биз мушу нийәт вә арзу билән ишимизни башлаймиз, һәммәйләнгә ғәлбә вә утуқ тиләймән!”

Уйғур яшлириниң бейҗиң олимпикигә қарши өткүзгән 5000 метирға йүгүрүш мусабиқисидин кейин хатирә сүрәт. 2022-Йили 12-феврал, истанбул, түркийә.
Уйғур яшлириниң бейҗиң олимпикигә қарши өткүзгән 5000 метирға йүгүрүш мусабиқисидин кейин хатирә сүрәт. 2022-Йили 12-феврал, истанбул, түркийә.
RFA/Arslan

Таһир көкбайрақниң билдүрүшичә, мусабиқидә нәтиҗигә еришкән муһәммәд өткүр, абдуллаһ идиқут, абдураһман идиқут, абдуллаһ арифоғли, һәмзә нияз, абдурахман сидиқоғли, абдулһәмид кучар, муһәммәд өмәр, абдуқаһар түркоғли, әли қарақаш қатарлиқ алдинқи 10 маһирға лоңқа, медал қатарлиқ маддий буюмлар вә нәқ пул мукапат берилгән. Мусабиқиға қатнишип алдинқи дәриҗигә кирәлмигән башқа барлиқ яшларға көк һилал ай инсаний ярдәм җәмийити тәрипидин нәқ пул билән риғбәтләндүрүш мукапати тарқитип берилгән.

Биз бу қетимлиқ йүгүрүш мусабиқисидә мукапатқа еришкән уйғур яш маһир муһәммәд өмәрни зиярәт қилдуқ. У өзиниң бейҗиң қишлиқ олимпик тәнһәрикәт мусабиқисини байқут қилиш вә хитайниң уйғурлар үстидин йүргүзиватқан ирқий қирғинчилиқиға қарши туруш үчүн бу қетимлиқ йүгүрүш мусабиқисиға қатнашқанлиқини, бу арқилиқ өзиниң бир кишилик мәсулийитини ада қилалиғанлиқидин толиму хурсән икәнликини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт