Jow baydin amérikining 46-nöwetlik prézidéntliqini üstige aldi

Amérika hökümitining 46-nöwetlik prézidénti jow baydin 20-yanwar küni washin'gton shehiridiki murasimda qesem bérip resmiy wezipe tapshuruwaldi.

Jow baydin we uning mu'awini kamala xarris xanim en'eniwi qa'idiler boyiche "Injil" ni tutup turup qesem berdi hemde özlirining amérika xelqi üchün bejanidilliq bilen xizmet qilidighanliqini bildürdi. Buningdin ilgirimu yéngi nöwetlik hökümetning köpligen mesililerde ilgiriki asas boyiche yéngiliq yaritishqa küch serp qilidighanliqi tekitlen'genidi.

Léydiy gaga, jénnéfér lopéz qatarliq dunyawi shöhretke ige cholpanlarning neq meydanda naxsha orundishi, murasimda sözlen'gen nutuqlardiki amérika démokratiyesi we ittipaqliq-birlik heqqidiki bayanlar, shuningdek herbiy qisimlarning parattin ‍ötüshi qatarliqlar qoshulup bügünki murasimni özgiche janlanduruwetti. Herqaysi axbarat wasitiliri bu heqte neq meydandin janliq xewer tarqitip, wirus we bixeterlik mesililiri sewebidin murasimgha qatnashmighanlarni murasimni téléwizordin körüsh imkaniyitige ige qildi.

Aq saraygha köchüp kirgen künning özide prézidént jow baydin wirus, yardem puli tarqitish, köchmenler mesilisi qatarliq témilar boyiche 17 türlük ijra'iye buyruqigha imza qoydi. Bolupmu uning "Qanunsiz" bolup qalghan köchmenlerni amérikining en'eniwi qimmet ölchimi boyiche yéngi hayatliq makanigha ige qilish heqqidiki wedisi milyonlighan kishilerning alqishigha érishti.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar